Paralajmërimi i fortë nga Et’hem Ruka: Situata mund të përkeqësohet

Profesor Et’hem Ruka, ka analizuar situatën në vend nga pandemia, pasi Ministria e Shëndetësisë njoftoi se sot janë konfirmuar 34 raste të reja me COVID-19. Ai shkruan në Facebook se situata ka njohur një përkeqësim domethënës.

Më konkretisht duke u ndalur tek grafiku, numri i të infektuarve mbetet më i larti që nga fillimi i pandemisë në Shqipëri.

Një ndër emrat më të rëndësishëm në vite të PS, Prof. Dr. Et’hem Ruka, ish ministër i Arsimit dhe ish ministër i Pushtetit Vendor, tregon se kjo situatë kërkon një analizë të veçantë.

Për fat të keq, përqindja e të infektuarve është rritur me 2%. Ai paralajmëron se nëse vijohet me të njëjtat ritme, situata me gjasë mund të përkeqësohet.

Statusi

26 PRILL: SITUATA COVID-19

Sot situata njohu nje perkeqesim domethenes. Numri i te infektuarve eshte me i larti qe nga fillimi i pandemise ne vendin tone.

Perqindja e te infektuarve u rit me 2%, nderesa ajo e te sheruarve u paksua me 2%. Kjo situate kerkon nje analize te vecante dhe masa shume energjike.

Nese vazhdohet keshtu edhe ne ditet ne vijim situata mund te perkeqesohet ede me tej dhe ajo qe na pret nuk do te jete asgje ne raport me ditet e javet qe kemi kaluar.