E martë, 7 Korrik, 2020
19 C
Tirana

Parajsa fiskale, si mbijetesë e monarkisë në demokraci

Më të lexuarat

Manjani del me deklaratën e fortë për Ramën dhe Thaçin

Ish-ministri i Drejtësisë, Ylli Manjani, çdo ditë e më shumë përcjell deklarata në forta në rrjetin social Facebook. Ai thotë se Rama dhe Thaçi kanë...

Macron shkarkon ministrin e Brendshëm

Presidenti i Francës, Emmanuel Macron, shkarkoi të hënën nga detyra ministrin e Brendshëm, Christophe Castaner. Shkarkimi është pjesë e një riorganizimi të kabinetit qeveritar, pas...

Shqiptari i parë që caktohet nga Papa Françesku në trup diplomatik

Dom Artur Kola është caktuar nga Papa Françesku të shërbejë në Përfaqësinë Papnore në Republikën e Bregut të Fildishtë. Sipas “Vatican News” ai është meshtari...

Aksident i rëndë, ndërron jetë 28-vjeçarja

Një aksident i rëndë ka ndodhur së fundmi në Shkodër, ku për pasojë ka ndërruar jetë një 28-vjeçare. Ngjarja ndodhi në rrugën Shkodër-Bardhaj në vendin...

Shtimi i rasteve/ Hoti kërkon mobilizimin e komunave për luftimin e pandemisë

Kryeministri i Kosovës, Avdullah Hoti, ka zhvilluar sot një bashkëbisedim me Asociacionin e Komunave të Kosovës. Gjatë takimit online, Hoti iu prezantoi kryetarëve të komunave...

Rama publikon fotot: Projekti më i ri i Rilindjes Urbane të Vlorës

Kryeministri Edi Rama së fundmi përmes një postimi në rrjetin social Facebook, ka prezantuar “Parkun e Shtëpisë së Pavarësisë”, i cili është projekti më...

Pandemia/ A do ta mbledhë Këshillin e Sigurisë? Meta zbulon lëvizjen e radhës

Gjatë raportimit të tij të përjavshëm përpara gazetarëve, presidenti Meta u shpreh se është i gatshëm që të mbledhë Këshillin e Sigurisë për çështjen...

“Pandemia ekziston, sëmur, merr jetë”/ Brataj: 5 këshilla që duhet t’i ndiqni

Për të gjithë skeptikët, Kreu i Urgjencës Kombëtare, Skënder Brataj shkruan në rrjetin social Facebook, se koronavirusi ekziston, infekton, sëmur dhe merr jetë. Brataj radhit...

Ulet ndjeshëm numri i rasteve të reja me koronavirus në Maqedoninë e Veriut

Maqedonia e Veriut ka regjistruar një rënie të ndjeshme në numrin e rasteve të reja me koronavirus, gjatë 24 orëve të fundit. Sipas mediave vendase,...

Zbulohet sekti që rekrutoi familjen Josifi, nën hetim ata që fshehën vdekjen e Anisës

Një grupim i quajtur “Guard Tower” apo “Kulla e rojes”, dyshohet se ka rekrutuar familjen Josifi nga Përmeti që çoi në vetëflijimin e Zhaneta...

Nga: Klementin Mile

Ndërsa dëgjojmë lajme për shkarkimin e pritshëm të Arben Malajt nga Këshilli Mbikëqyrës i Bankës së Shqipërisë dhe shkarkimin tashmë të ndodhur të Enton Duros nga posti i drejtorit të përgjithshëm të Tatimeve, na mbetet, në këtë verë të nxehtë, të urojmë që këto ngjarje të mos jenë të lidhura së bashku, për shembull si shenjë e instalimit të plotë të autokracisë, ose të lidhura së jashtmi, në ndonjë mënyrë të komplikuar, me fenomenin e parajsës fiskale.

Në fakt, nuk është lajm që autokracia dhe parajsa fiskale kanë marrëdhënie të shkëlqyera me njëra-tjetrën. Madje, ekzistenca e njërës duhet të na bëjë të kërkojmë gjurmët e tjetrës. Por a ka vend për parajsën fiskale në një vend demokratik?

“Demokracinë e do vetëm populli”, shkruajnë politologët amerikanë, Bueno de Meskita, Smith, Siverson dhe Morou në librin e tyre “Logjika e mbijetesës politike”. Nga ana tjetër, personat esencialë për marrjen dhe mbajtjen e pushtetit preferojnë monarkinë dhe vetë lideri preferon autokracinë. Në këtë mënyrë, secila prej kategorive arrin maksimumin e përfitimit nga pushteti.

Demokracia i jep mundësinë çdo personi nga populli që të ketë një shans më të madh për të ndikuar qeverisjen sesa në monarki ose autokraci. Gjithashtu, demokracia nënkupton politika publike për të rritur cilësinë e jetesës për të gjithë. Lideri në demokraci është i detyruar t’i japë llogari popullit.

Monarkia është në përfitim të oborrtarëve, të aristokratëve, të atyre pak personave që kanë rol esencial për qëndrimin në pushtet të liderit, që në këtë rast është mbreti. Në monarki ka shumë pak politika publike për përmirësimin e jetesës së popullit dhe mbreti e mban pushtetin duke i shpërblyer me të mira private oborrtarët dhe aristokratët. Ai jep llogari vetëm para tyre.

Lexo edhe :   Politika atmosferike
Lexo edhe :   Politika atmosferike

Autokracia i jep përfitime të jashtëzakonshme liderit dhe shumë më pak mbështetësve esencialë të tij. Kjo, sepse këta mbështetës janë të zëvendësueshëm lehtësisht. Nga pikëpamja e politikave publike, autokracia prodhon qeverisjen më të keqe të mundshme.

Në regjimet e cilësuara demokratike, qofshin këto demokraci të plota si Shtetet e Bashkuara të Amerikës dhe Gjermania, demokraci të mangëta si Italia dhe Greqia, apo gjysmëdemokraci (regjime hibride) si Shqipëria dhe Turqia, aristokratët dhe autokratët e kanë gjetur mënyrën për të mbijetuar. Ajo është parajsa fiskale.

Ndryshe nga koha kur aristokracia ishte e ligjshme, pra kur aristokratët dhe njerëzit e thjeshtë nuk ishin të barabartë para ligjit, ideali i demokracisë është të mos vendosë askënd mbi ligjin dhe të mos e aplikojë këtë të fundit në mënyrë diskriminuese ndaj qytetarëve. Por, pavarësisht barazisë politike, procesi ekonomik, ai i ligjshëm dhe ai kriminal, sjellin pabarazi të mëdha. Me rëndësi publike është rasti kur lideri dhe mbështetësit esencialë të tij përfitojnë shuma të mëdha parash prej (keq)qeverisjes dhe korrupsionit, të cilat, sigurisht, do të ishte vetëvrasje politike dhe ekonomike po t’i deklaronin publikisht.

Parajsa fiskale është zgjidhja ideale për ta. Në këtë mënyrë, lideri i një shteti demokratik mund të jetojë si mbret, me privilegje të pamerituara dhe të pajustifikueshme në demokraci, duke përfituar nga sekreti financiar që ofrojnë parajsat fiskale. Mbështetësit esencialë të tij mund të jetojnë si oborrtarë dhe aristokratë, me privilegjin për të mos paguar taksa si qytetarët e thjeshtë të vendit të tyre, duke përfituar nga normat e taksimit zero ose shumë të ulëta të parajsës fiskale. Pra, parajsa fiskale është mekanizmi për mbijetesën de facto të monarkisë, në kushtet kur de jure ajo është e paligjshme. /Gazeta Liberale

 

- Reklama -

Më shumë nga kategoria




Të fundit

Teuta rimerr vendin e tretë

Sherif Kallaku e ka ngjitur edhe njëherë tjetër Teutën në vendin e tretë në klasifikim, pasi ka shënuar golin e fitores ndaj Skënderbeut. Mesfushori 22-vjeçar...

Werder Bremen dhe Rashica “mbijetojnë” në Bundesliga-n gjermane

Werder Bremen dhe Rashica “mbijetojnë” në Bundesliga-n gjermane! Bremen do të jetë edhe sezonin e ardhshëm mes më të mirëve të futbollit gjerman. Skuadra me të...

Sherr masiv në kampin e emigrantëve në Greqi

Një sherr masiv ka ndodhur në kampin e emigrantëve Moria, në ishullin grek të Lesbos. Raportohet se një i ri afrikan ka ndërruar jetë, ndërsa...

Macron shkarkon ministrin e Brendshëm

Presidenti i Francës, Emmanuel Macron, shkarkoi të hënën nga detyra ministrin e Brendshëm, Christophe Castaner. Shkarkimi është pjesë e një riorganizimi të kabinetit qeveritar, pas...

Eksplorimi i planetit Mars

Shtetet e Bashkuara të Amerikës, Emiratet e Bashkuara Arabe dhe Kina kanë në plan të lëshojnë veçmas anije hapësinore robotike drejt planetit Mars. Planeti i...