E enjte, 19 Maj, 2022
24.5 C
Tirana

Pandemia/ Zgjatja e kufizimeve, policia australiane përplaset me protestuesit

Policia në qytetet australiane të Melburnit dhe Sidneit, janë përplasur me mijëra njerëz që protestojnë kundër bllokimeve të Covid-19. Në Melburn, oficerët përdorën sprej piper kur 4.000 persona depërtuan në linjat e policisë. Policia arrestoi 218 persona dhe të paktën 7 oficerë u plagosën.

Në Sidnei, ku masat e bllokimit janë zgjatur edhe për një muaj, më shumë se 1.000 oficerë shpërndanë protestat. Kjo revoltë erdhi pasi shteti i New South Wales (NSW), kryeqyteti i të cilit është Sidnei, regjistroi 825 raste të reja, numri më i lartë për çdo territor Australian në një periudhë 24-orëshe.

Periferitë më të varfra të Sidneit, në prag të vendosjes së ushtrisë

Australia dërgon ushtrinë, për të zbatuar bllokimin e Sidneit. Në Brisbane, kryeqyteti i Queensland, më shumë se 2.000 protestues u mblodhën para se të zhvillonin një marshim kryesisht paqësor. Policia në shtetin Viktoria, dënoi dhunën që shpërtheu në Melburn të shtunën.

“Ndërsa kishte disa protestues paqësorë të pranishëm, shumica e atyre që morën pjesë erdhën me dhunën në mendje”, tha një zëdhënëse, e cituar nga “Sydney Morning Herald”.

“Sjellja e parë nga policia ishte aq armiqësore dhe agresive, sa që atyre nuk iu mbeti zgjidhje tjetër veçse të përdornin të gjitha taktikat në dispozicion të tyre”.

Të gjithë të arrestuarit përballen me gjoba prej 5.452 dollarë australianë, për shkelje të rregullave të Covid, tha policia. Tre persona u akuzuan gjithashtu për sulm ndaj policisë.

Protestat në Sidnei ishin më të vogla, me rreth 250 persona që morën pjesë.

Zëvendëskomisari i Policisë i NSW -së Mal Lanyon u tha gazetarëve se një oficer ishte plagosur, pasi u tërhoq në rrugë nga një protestues dhe se kishte 47 arrestime.

Ai tha se policia kishte ndaluar rreth 38.000 makina që shkonin në qendër të qytetit dhe u dha 260 njoftime për shkelje njerëzve në të gjithë shtetin, të dyshuar për shkelje të rregullave të bllokimit. Ai i quajti veprimet e protestuesve “të mjerueshme”, duke thënë se përgjigjja e policisë nuk kishte të bënte me ndalimin e fjalës së lirë, por ndalimin e përhapjes së koronavirusit.

Rreth 1.500 oficerë u vendosën për të shpërndarë protestuesit në Sidnei, dhe shefi i policisë i NSW, David Elliott tha se ata kishin bërë një punë “shembullore”.

Protestat erdhën disa orë pasi një bllokim në Sidnei u zgjat deri në fund të shtatorit, për të ngadalësuar përhapjen e një shpërthimi të Covid. Autoritetet gjithashtu vendosën një shtetrrethim për dy milionë banorë, në periferitë më të goditura të qytetit.

Banorët e Sidneit kanë qenë nën urdhrat e qëndrimit në shtëpi, që nga fundi i qershorit. Sidoqoftë, infeksionet janë dyfishuar javën e kaluar.

Kritikët e shtetrrethimit thonë se ata nuk mendojnë se është një kontroll efektiv i virusit. Ligjvënësit e NSW kanë kritikuar gjithashtu autoritetet, për aplikimin e kufizimeve më të ashpra në periferitë më të varfra perëndimore dhe jugperëndimore të Sidneit.

Australia është vlerësuar gjerësisht për përgjigjen e saj ndaj pandemisë, dhe ka regjistruar 978 vdekje, më pak se shumë shtete. Por shfaqja e variantit Delta në fillim të qershorit, shkaktoi një rritje të infeksioneve.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

Presidenti/Alibeaj: Do konsultohemi me aleatët, një tjetër mbledhje nesër

Pak çaste më parë ka përfunduar mbledhja e grupit parlamentar të PD, thirrur nga Enkelejd Alibeaj. Në një prononcim për mediat, Alibeaj tha se...

SPAK i jep goditjen e fortë krimit/Rama: Mbështetje deri në fund

Kryeministri Edi Rama ka reaguar sa i takon operacionit të SPAK. Me anë të një postimi në Twitter, kreu i qeverisë thekson se ky...

Erdogan i prerë: S’do pranojmë hyrjen e Suedisë dhe Finlandës në NATO

Presidenti turk, Recep Tayyip Erdogan, tha të enjten se vendi i tij "do t'i thotë jo hyrjes së Suedisë dhe Finlandës në NATO", duke përsëritur...

Si po ndikon l*fta në furnizimet globale të ushqimit

OKB-ja tani po e quan atë një luftë tjetër brenda luftës së Rusisë në Ukrainë. Në vendin e përshkruar dikur si shporta ushqimore e...

Shkollat e universitetet pushim në 25 Maj, Tirana në “shtetrrethim”

Ministrja e Arsimit, Evis Kushi, ka njoftuar se 25 Maji do të jetë pushim për të gjitha institucionet arsimore në vend. “Referuar vendimit të qeverisë...