Kryesore

Pamje të pazbuluara/ Bill Gates qëllohet në hyrje të hotelit (VIDEO)

               Publikuar në : 11:43 - 11/09/19 S.N

Bill Gates është një nga njerëzit më të fuqishëm në botë. Revista Forbes e renditi në vendin e dytë si njeriu më i pasur për vitin 2019-të. Edhe pse për shumë vite me radhë, listën e miliarderëve e kryesonte pikërisht Gates. 63-vjeçari themeloi Microsoft në 1975 me Paul Allen. Dhe që nga atëherë është bërë kompania më e madhe e programeve kompjuterike në të gjithë botën. Por, gjërat nuk kanë shkuar gjithmonë mirë për miliarderin. Pasi është përfshirë në një incident aspak të këndshëm në vitin 1998. Gates ndodhej në Bruksel për një takim me zyrtarë të Bashkimit Europian, kur i është hedhur tortë në fytyrë.

Ngjarja ka ndodhur teksa Gates ishte duke hyrë në ndërtesë për të dhënë një fjalim mbi edukimin. Por, themeluesi i Microsoft nuk u godit njëherë, një tjetër person tentoi të hidhte një tortë të dytë në fytyrë, shkruan Tirana Today.

Teksa një prej personave arriti të arratisej, policia shoqëroi një nga “sulmuesit” dhe një tjetër që po filmonte. Por, u liruan pasi Noel Godin shkrimtari belg mori përgjegjësinë për incidentin në një dalje publike. Godin është bërë i famshëm ndër të tjera për rrengjet e tij duke piketuar të pasurit dhe të famshmit. Dhe shenja e tij dalluese është gjuajta me tortë në fytyrë.

Ata që e marrin me sportivitet dhe me humor këtë veprim, nuk shqetësohen më. Sidoqoftë, Godin ka qenë i njohur për shënjestrimin e vazhdueshëm të atyre që nuk e kuptojnë qëndrimin e tij grotesk. Të cilën ai e quan “revolta e të qeshurave”.

Por, duket se edhe Gates, i cili njihet si një njeri i cili pranon, edhe bën shaka, e ka marr lehtë aktin. Ndaj edhe nuk ngriti akuza. Edhe pse siç duket në video gjatë incidentit Gates është duke u dridhur e i inatosur. Edhe pse nuk pati asnjë lëndim.

Në atë kohë një nga zëdhënësit e tij tha se pas incidentit, Gates kishte bërë shaka, duke thënë: “Torta as nuk kishte ndonjë shije të mirë.”/ TIRANA TODAY

Kthehu
WhatsApp Denonco ne TT