E premte, 26 Shkurt, 2021
15 C
Tirana

“Pallati nuk është vlerësuar”, Basha: Jo dallavereve në kurriz të qytetarëve

Kreu i PD-së, Lulzim Basha, ka vizituar sërish ditën e sotme banorët e prekur nga tërmeti i 26 nëntorit në Durrës.

Basha vizitoi si fillim lagjen 17, ku dëgjoi shqetësimet e banorëve të asaj zone, të cilët sipas tij janë lënë pa përgjigje nga autoritetet shqiptare. Me dhjetëra banorë në këtë zonë u shprehën të shqetësuar pasi nuk ishte bërë akoma një vlerësim zyrtar për pallatin e tyre, nëse është i banueshëm apo jo.

MË POSHTË, BASHKËBISEDIMI I KREUT TË OPOZITËS ME BANORIN.

Banor: Bashkërendohuni me pushtetin. Uluni, i lëmë ndasitë politike. Unë jam plotësisht dakord që jeni opozitë dhe keni frontet të ndara, keni vizionin tuaj.

Basha: Qeveria ka detyrat e veta, opozita ka detyrat e veta. Ju po e shikoni, ne vetëm luftë politike nuk po bëjmë.

Banor: Unë jam i forcës kundërshtare me ju, dhe ju falënderoj që më dëgjon me respekt dhe të falënderoj që je këtu mes nesh.

Basha: E rëndësishme është që ne të sjellim zërin dhe shqetësimet tuaja. Ky është roli ynë. Nëse ne e marrim zërin tuaj dhe e kthejmë në politikë për karriken tonë, ne bëjmë gabim. Nëse ne çojmë shqetësimin tuaj atje, ne e kemi bërë detyrën tonë, sepse po nuk e bëmë ne, nuk ka kush ta bëjë.

Edhe po të ishim në role të ndryshme, ne në qeveri dhe ata në opozitë, këtë do kërkoja nga ata. Nuk do kërkoja të bëja fotografi bashkë. Do t’u kërkoja ‘merrni zërin e njerëzve na e sillni dhe shikoni si po e bëjmë ne punën” Se këtë detyrë ka opozita. Po u shkri opozita, nuk ka më kush t’ju mbrojë.

Çfarë kemi kërkuar: E para, që vlerësimi të bëhet sa më shpejt, në mënyrë profesionale Për këtë kemi këshilluar që të shtohet numri i inxhinierëve, përndryshe vlerësimi shtyhet, e shtyhet, e shtyhet…

Lexo edhe :   Pandemia/ Basha: Menaxhimi monstruoz, numri real i viktimave është më i lartë

E dyta, të caktohen fondet, sepse vlerësimi pa fonde është zero. Sot në mëngjes, kanë pranuar një sugjerim që ua kam dhënë gjatë tre ditëve të fundit: që banorëve të zonave rurale që janë me shtëpi, t’u japin para në dorë, ta bëjnë vetë. Sepse koha nuk pret, dimri sapo ka filluar. Çfarë do të bëni, do të rrini me muaj të tërë kështu? Nuk mund të ndodhë kjo!

Çfarë duhet: Në rradhë të parë të dimë: 1.Sa banorë të Durrësit janë pa strehë. 2. Ku do të qëndrojnë në periudhën e ndërmjetme. 3. Si do të zhvillohet më tej puna e tyre.

Lexo edhe :   Agron Duka zbulon premtimin e Bashës për listën e Durrësit

Ju thoni se i keni këto prona në qendër të qytetit dhe nuk doni ti humbni. Sepse kjo është një situatë ku, nga njëra anë ka hallexhinj, nga ana tjetër, ka edhe profiterë, njerëz që shikojnë të nxjerrin diçka nga kjo. Është e pashmangshme kudo. Ku bie tërmeti ka kudo çackej e peshkaqenë. Ne duhet me çdo kusht të shmangim që fatkeqësia e disa njerëzve të kthehet në oportunitet për matrapazë.

Banor: Kjo po u prish le të ndërtohet këtu dhe të jetojmë këtu.

Basha: E kuptova, ma thatë disa prej jush. Tani këtu është roli ynë si opozitë që të jemi në krahun tuaj dhe të mos lejojmë që të bëhen dallavere të tilla në kurriz të njerëzve.

- Reklama -

Më shumë nga kategoria




Të fundit

A është Donald Trump një fashist?

Nga: John Broich“The Converstion” Që para se Donald Trump të zgjidhej president, historianët kanë debatuar nëse ai është apo jo një fashist. Si mësues i...

Zgjedhjet/ Boiken Abazi i Vetëvendosjes mbledh firmat si kandidat e pavarur

Drejtuesi i Levizjes Vetëvendosje me qendër në Tiranë, Boiken Abaazi ka mbledhur firmat e nevojshme që i duhen një kandidati të pavarur për të...

Ndryshimi nuk do të vijë asnjëherë prej “ushtarëve” të partive

Nga: Astrit Patozi Ndryshimi në Shqipëri nuk mund të vijë vetëm prej militantëve politikë, sado të përkushtuar dhe të angazhuar që të jenë. Në radhë të...

Komisioni Rregullator miraton fletën e votimit për zgjedhjet e 25 prillit

Komisioni Rregullator pranë Komisionit Qendror të Zgjedhjeve ka miratuar sot fletën e votimit të propozuar nga Komisioneri Shtetëror i Zgjedhjeve. Zgjedhësi do të votojë me...

Ku të gjejmë një popull që do të zezën e vet?

Qysh mbrëmë e tash e mbrapa, nuk ka mbet gja tjetër, veç të gjejmë atë popull që do të zezën e vet!,- do të...