Debati mes Fjoralba Ponarit dhe Olti Currit po bëhet edhe më i nxehtë. Të dy palët nuk kanë ndërmend që të bëjnë paqe, dhe të lënë ironitë. Përkundrazi, e kanë shtuar edhe më shumë dozën e sharjeve ndaj njëri-tjetrit. Dje, gjatë një sekuence në “E diell”, moderatorja Fjoralba Ponari u shpreh rreth debatit me Olti Currin, se nuk lejonte njeri të shtrembëronte imazhin e saj. Kaq ka mjaftuar që Olti Curri të reagonte përmes dy postimeve në rrjetet sociale.
Në një sekuencë të djeshme të “E diell”, producentja Dalina Buzi u ftua të improvizonte një takim të ngjashëm me një intervistë pune, për të zgjedhur vajzën e gjashtë të “Hostel by Anabel”. Personazhet që morën pjesë në lojë qenë moderatoret e “E diell”, përfshirë këtu edhe Fjoralba Ponarin.
“Ishte një debat me Olti Currin. Reagimin e parë e kuptova, por reagimi i dytë mua m’u duk pak i tepërt” u shpreh Buzi, referuar faktit që të tilla komente do të jenë të pranishme gjithnjë për aq kohë sa bëhet fjalë për personazhe publike, e sidomos njerëz të ekranit.
“Nuk dua ta trajtoj si rast specifik, sepse mendoj që kam marr mjaftueshëm vëmendje nga kjo gjë,” u përgjigj Fjoralba. “Komente negative ka pasur edhe përpara këtij rasti, edhe gjatë këtij rasti, të cilat nuk më kanë penguar që të vazhdoj drejt suksesit që aspiroj. Përsa i përket rastit në fjalë, unë nuk lejoj që një njeri të shtrembëroj imazhin tim duke u kapur, duke cunguar një lapsus, një gabim njerëzor për përfitimet e tij vetjake. Këtu është limiti. Një vakt e hëngri prej meje dhe aty u mbyll”.
Në fund, Buzi e mbylli dialogun duke theksuar se të tilla komente nuk ndikojnë aspak për keq, aq më tepër kur vijnë nga njerëz që dëgjohen.
