Në takimin që pati me ambasadorët në Pallatin e Brigadave, kryeministri Edi Rama foli për bisedën që zhvilloi me babain e 20-vjeçares që ndërroi jetë sot në spital, pas goditjes nga tërmeti në Tiranë.
Rama u shpreh se e dinte që 20-vjeçarja Xhesika nuk do ia dilte dot, por këtë lajm të hidhur s’ia thoshte dot të atit.
“E dija që ajo nuk do ia dilte dot. Xhesika vdiq ditën e sotme, duke e çuar numrin e viktimave në 51 dhe pas diskutimit që pata me mjekët, e dija që s’do ia dilte dot. Takova të atin sot paradite, por nuk ja thoja dot këtë lajm të hidhur”, tha Rama.
Momentet kur babai i Xhesikës i lutej kryeministrit Edi Rama t’ia çonin vajzën në Itali ishin tepër prekëse. Kryeministri u shpreh se e kishte me merak vajzën e tij, por pak orë më vonë, shpresat u shuan për Xhesikën.
Studentja që do të bëhej arkitekte, u godit në kokë pasi i ra një tullë në tentativë për të dalë nga pallati ku banonte në Kombinat.