Nuk fitoi mandatin për deputet/ Ndoka: PD ka vjedhur votat e mia

Kryetari i Partisë DemoKristiane, Nard Ndoka, i cili nuk mori një mandat në zgjedhjet e 25 prillit, ka lëshuar një akuzë të fortë ndaj komisionerëve të Partisë Demokratike.

Në një intervistë ”Report Tv”, Ndoka tha se ka pasur komisionerë të shitur nga ana e PD-së, që ndikuan në tjetërsimin e rezultatit.

Ndër të tjera, ai u shpreh se dhe votat e tij personale janë vjedhur nga PD-ja, duke mos i kursyer kritikat ndaj kryedemokratit Lulzim Basha.

Nard Ndoka: ”Jam masakruar me votat e mia personale, votat e mia janë vjedhur nga PD-ja. Basha duhet të heqë dorë nga interesat e ngushta të tij, të heqë dorë nga komisionerët partiak. PD është një parti e madhe e hapur, mund të operohet dhe me lidershipi, Basha tentoi që të dilte ai si lider i kësaj partie dhe nuk ia arriti. Ne kemi bërë sakrificë që dhe Basha të rritej dhe djegia e mandateve. Në shtator -tetor do të ketë një vendimarrje përfundimtare për vazhdimësinë e tij, apo për kryetarët e partive të tjera. Gabim fatal një marrëveshje transparente me aleatët, nëse opozita do dilte me një listë, bashkë me LSI, Basha sot do ishte kryeminisër. Basha ndërtoi një fushatë individuale, i përjashtoi aleatët dhe i luftojë, nuk ka qenë e dukshme, por ne e kemi ndjerë këtë.”