E mërkurë, 20 Janar, 2021
4 C
Tirana

Një vit kryeprokuror, dështimi spektakolar i Olsian Çelës

Pas një muaji, Olsian Çela bën fiks një vit nga marrja e detyrës. Prokurori i Përgjithshëm, i zgjedhur me procedurat e reja të Vetingut pritej që të sillte një ndryshim të madh në sistemin e akuzës.

Por, deri tani rezultatet janë vërtetë zhgënjyese. Vetë Çela e ka justifikuar këtë “dështim”, duke thënë se hetimi i korrupsionit dhe krimit të organizuar në nivel të lartë është kompetencë e SPAK, duke ia hedhur përgjegjësinë Arben Krajës.

Përveç krimit dhe korrupsionit VIP, Çela nuk ia ka dalë të japë asnjë shenjë apo frymë ndryshe. Prova e tij e parë ishte tërmeti i 26 nëntorit që ndodhi pak pas marrjes së detyrës. Ai premtoi për hetime të thelluara dhe nxjerrjen e përgjegjësve për humbjen e 51 jetëve dhe dëmtimin e mijëra banesave. Rezultati është shumë i dobët nga organi i akuzës.

Në fund, Çela duket se ka dështuar edhe procesin e dekriminalizimit që është më shumë një procedurë administrative. PD e akuzon atë se e ka penguar procesin duke sjellë rasti ne kryebashkikakun e Vaut të Dejës dhe Mallakastrës.

Sipas PD, kur kanë kaluar një vit nga kërkesa drejtuar prokurorisë për verifikimin e të dhënave për të kaluarën kriminale të të kryebashkiakëve të Vaut të Dejës dhe të Mallakastrës, përkatësisht Mark Babani dhe Qerim Ismailaj, ende nuk është marrë asnjë përgjigje.

Në letrën që ka bërë të ditur sekretari i Përgjithshëm i PD, Gazment Bardhi thuhet se afati 3 mujor për përgjigjen është zgjatur me kërkesën e Prokurorit të Përgjithshëm Olsian Çela, i cili konsiderohet nga PD si përgjegjës për zvarritjen dhe pengimin e Ligjit të Dekriminalizimit.

Pas gjithë këtyre dështimeve, pyetja kryesore që ngrihet është nëse Olsian Çela është i paaftë apo peng?/demokratike.al/

- Reklama -

Më shumë nga kategoria




Të fundit

Video/ Gol i “çmendur” në Angli, portieri shënon nga porta në portë

Portieri i Njuport, Tom King, në Ligën e Dytë angleze, ka shënuar një gol të çmendur ditën e sotme, që po bën xhiron e...

Vr*sja e Santos, dëshmitari: Ekzekutori më drejtoi armën, polici u fsheh

Në grahmat e fundit, bankieri përpiqet me sa mundet ti largohet rrezes së armës siç duket nga kamerat e sigurisë. Por, vrasësi dukej një...

Polemikat për WhatsApp dhe frika për privatësinë e të dhënave

Shumë përdorues e braktisën WhatsApp-in, pasi ai e ndryshoi politikën e tij të privatësisë. Shqetësimet se të dhënat e tyre mund të përfundojnë në...

Zhdukja e biznesmenit italian, gazetarja tregon bisedën me partneren shqiptare

Gazetarja Klodiana Lala ka rrëfyer se vetë ajo ka folur me partneren e biznesmenit të zhdukur italian, Davide Pecorelli. E ftuar në “Open”, Lala u...

Sondazhi/ Opozita fiton Tiranën më 25 Prill, PD rritje krahasuar me 2017-ën

Opozita e Bashkuar del fituese në zgjedhjet e 25 Prillit sa i përket qarkut të Tiranës. Ky është rezultati i sondazhit të parë  të “Notto...