Aktualitet

Një javë që flenë në makinë, 12 vjeçari i frikësuar: Nuk kthehem në shtëpi


               Publikuar në : 12:22 - 03/12/19 L M

Për shkak të panikut të shkaktuar nga tërmeti, familja Sallaku, e cila përbëhet nga 4 anëtarë ka një javë që fle në makinë.

Dy  vëllezërit, 10 dhe 12 vjeç thonë për “ABC News” se nuk kanë guxim të kthehen sërish në banesën e tyre. Ndërsa kryefamiljari, i cili është njëkohësisht edhe administrator i pallatit pret vlerësimin e ekspertëve nëse objekti është i banueshëm.

“Ne kërkojmë të paktën të vijnë personat kompetentë dhe të na thonë banohet në këtë pallat apo nuk banohet. Siç e shihni, ky ka marrë dëmtime në kolona, në mure, kjo është anuar në një krah, që s’ke as çfarë ti riparosh më. Jemi munduar ta përforcojmë me ca mentela por prapë është e paarritshme”.

Ndër të tjera, Bujari rrëfen se pas tmerrit që përjetuan në ato 30 sekonda, nuk mund të kthehen sërish shtëpi.

“As bëhet fjalë të kthehem më këtu. Siç e shikoni po flemë në makinë bashkë me nusen dhe dy fëmijë. Plus që edhe po të shkoj në shtëpi të tjera, fëmijët nuk shkojnë se janë të trembur, nuk pranojnë, vetëm në makinë rrinë”.

Ndërkohë, dy djemtë e familjes, të trembur nga ngjarja e 26 nëntorit kanë treguar çfarë mbajnë mend nga ai moment.

“Duam të jetojmë në një shtëpi të fortë me nja bazament të fortë  mos të lëvizë nga tërmeti dhe mos të tronditemi më nga tërmeti.

“Mbaj mend babin që na kapi prej krahësh, ishte tepër errësirë, pashë mamin dhe babin të trembur. Ne kaluam direkt hekurat, na tha babi, dhe ne kaluam, tjetër nuk mbaj mend”.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT