Dymbëdhjetë persona u plagosën, të paktën dy në gjendje kritike kur një granatë u hodh në një lokal të mbushur plot në qytetin e Grenoble në Francën juglindore.
Një sulmues që mbante një pushkë automatike thuhet se hyri në lokal mbrëmjen e së mërkurës dhe hodhi granatën përpara se të ikte pa thënë asnjë fjalë.
Prokurori publik vendas François Touret de Courcy e përshkroi sulmin si “një akt të dhunës ekstreme”.
Ai tha se hetuesit nuk kishin identifikuar ende një motiv, por nuk besonin se ishte një sulm terrorist.
Gjithashtu policia po shikonte nëse ishte një sheshje hesapesh midis bandave lokale. Grenoble dhe periferitë e tij kanë qenë skenë e një sërë incidentesh të lidhura me trafikun e drogës dhe cigareve.
Magjistrati Christophe Barret deklaroi se sulmuesi dukej se mbante një pushkë sulmi të tipit kallashnikov, por nuk e përdori atë.
Incidenti ndodhi në orën 20:15 me orën lokale të së mërkurës në lagjen e fshatit Olimpik, i ndërtuar kur qyteti priti Lojërat Olimpike Dimërore të vitit 1968.
Shpërthimi shpërtheu të gjitha dritaret e lokalit, i cili drejtohet nga një shoqatë lokale.
“Unë dënoj në termat më të ashpër të mundshëm këtë akt kriminal të dhunës së jashtëzakonshme”. Falenderoj edhe shërbimet emergjente për punën e tyre. tha kryetari i bashkisë së Grenoble, Éric Piolle në X
Ministri i shëndetësisë i Francës, Yannick Neuder vizitoi viktimat në spital të enjten dhe e dënoi “me forcë” sulmin.
