Kuriozitete

Ngjarja tragjike që nxiti piktorin amerikan Samuel Morse të shpikte telegrafin


               Publikuar në : 14:45 - 16/07/19 S.N

Shpikja e telegrafit, është një nga ngjarjet më të rëndësishme në historinë e komunikimit. Mesazhi i parë në telegraf u dërgua më 24 maj 1844. Ai nuk u shpik nga ndonjë inxhinier, por një piktor. Pas diplomimit në Jeil, Morse studioi në Akademinë Mbretërore të Arteve në Londër. Tablotë e tij, e bënë të njohur në mbarë SHBA-në. Ai po realizonte portretet e emrave më të mëdhenj të politikës amerikane, mes tyre presidentëve Xhon Adams dhe Xhejms Monro.

Në shkurtin e vitit 1825, Morse ndodhej në Uashington për të realizuar një portret të markezit francez Lafajet, kur mori një letër nga babai i tij. Bashkëshortja e tij, Lucrecia, ishte shumë e sëmurë, më pak se 1 muaj pas lindjes së fëmijës së tyre të tretë. Morse u nis menjëherë për në shtëpinë e tij në Nju Hejvën. Por kur mbërriti atje, ishte tepër vonë. E shoqja kishte vdekur, dhe në fakt ishte varrosur prej disa ditësh.

Tejet i prekur nga ajo humbje, Morse u zotua të gjejë një mënyrë për të shpërndarë shumë më shpejt lajmërimet urgjente. Në vitin 1832, Morse u njoh rastësisht me shkencëtarin nga Bostoni Çarls Xhekson, që kishte ndërtuar një elektromagnet. Morse u bind se mund ta përdorte këtë koncept për të transmetuar mesazhe. Pas disa vitesh eksperimente, rezultoi se kishte të drejtë. Më vonë, Xhekson e paditi në gjykatë për vjedhjen e idesë./ TIRANA TODAY

Kthehu
WhatsApp Denonco ne TT