Nga shpella në krye të vendit më të madh në botë, historia e Xi Jinping

Xi Jinping është sot udhëheqësi i Kinës, vendit që parashikohet të ketë në pak vite ekonominë më të madhe në botë. I ati i tij Xi Zhongxun, shërbeu dikur si zv/kryeministër i vendit, dhe ishte një aleat i hershëm i Mao Ce Dunit.

Por familja u godit rëndë gjatë Revolucionit Kulturor. Për 7 vite u dëbuan në fshat, duke jetuar në një shpellë, dhe punuar për orë ta gjata në bujqësi.

Xi i ngjiti gradualisht shkallët e karrierës në Partinë Komuniste Kineze. Në vitin 2012 u zgjodh në krye të partisë, dhe një vit më vonë si president. Në dallim nga të tjerët, ai nuk do që t’ia lërë stafetën e drejtimit të Kinës dikujt tjetër.

Ndryshimet e fundit kushtetuese, i japin një pushtet të përjetshëm. Paga e tij zyrtare është vetëm 22 mijë e 500 dollarë në vit. Por revista amerikane “Forbes”, llogarit se pasuria e familjes së Xi është mbi 1.5 miliardë dollarë.

Gjithsesi ajo mund të jetë shumë më e madhe sesa kaq. Shumë miliarderë kinezë, miq të presidentit, i kanë fshehur paratë e tyre në parajsat fiskale. Në një vend autokratik si Kina, ashtu si në Rusinë e Putinit, askush nuk mund t’i kërkojë llogari udhëheqësit sesa para ka vërtet.

                                       TIRANA TODAY