Evropa ka një histori të gjatë të familjeve të mëdha dianastike, që vunë në kontroll vendet e tyre, dhe i sunduan ato për dekada apo shekuj. Dinastitë lindën në hirin e pushtimeve, ndërsa të tjerat e humbën pasurinë e familjes së tyre, gjatë momenteve delikate. Disa nga këto familje kishin apo kanë një pasuri marramendëse. Ja cilat janë 10 kryesoret:
- Familja gjermane Saxe Coburg & Gotha
Ishte dinastia e parë e madhe evropiane. Vlera neto e pasurisë së saj është e panjohur. Por fakti që drejtoi fronet mbretërore në Belgjikë, Bullgari dhe Poloni, na bën të besojmë se ishte mjaft e pasur për kohën. Anëtari i parë i saj vdiq në vitin 982, ndërsa vetë dinastia mori fund në vitin 1917. Atë kohë dinastia ndryshoi mbiemrin në Uindsor, njëlloj si mbiemri i familjes mbretërore britanike.
- Familja holandeze Breninkmajer
Kjo dinasti i ka fillesat në vitin 1861, kur Klemens dhe August Breninkmajer hapën dyqanin e tyre të parë të veshjeve në Holandë. Ai u bë i njohur në mbarë Evropën. Kjo familje është shumë e rezervuar. Por dihet që brenda kompanisë punojnë mbi 200 anëtarë të kësaj familje.
Ata nuk japin të dhëna për pasurinë e tyre, dhe japin rrallë intervista. Por familja ka konfirmuar se fëmijët i nënshtrohen një testimi dhe monitorimi paraprak, përpara se të lejohen të marrin pjesë në punët e familjes. Kjo familje, vlerësohet të ketë një pasuri prej mbi 6 miliardë eurosh. Por shifra e saktë, do të vazhdojë të mbahet sekret nga familja.
- Familja ruse Romanov
Romanovët, janë familja e fundit perandorake që sundoi Rusinë. Ata ishin më të pasurit. Pasuria e tyre, vlerësohej të ishte rreth 250-300 miliardë dollarë me kursin e sotëm. Mbretërimi i tyre nisi në vitin 1613, dhe përfshiu 18 breza udhëheqësish, përfshirë Pjetrin e Madh, Katerinën e Madhe dhe Carin e fundit, Nikolla II.
Ky u rrëzua në vitin 1917 gjatë Revolucionit Bolshevik, ndërsa u vra bashkë me gjithë familjen e tij. Nikolla II ishte antipatik në popull. Punëtorët u ngritën disa herë kundër monarkisë. Përfshirja e Rusisë në Luftën e Parë Botërore, vetëm sa e uli më tej popullaritetin e tij.
- Familja franceze Normandi
Uilliam Pushtuesi, vuri nën kontroll Anglinë në vitin 1066 pas Betejës së Hastings. Sipas standardeve të sotme, pasuria e tij sot do të vlente 229.5 miliardë dollarë. Por trashëgimia e tij, zgjati vetëm 3 breza. Gjithsesi, pushtimet e tij në fushën e betejës e bënë atë njeriun më të pasur gjatë asaj periudhe kohore. Mbretërimi i kësaj dinastie, përfundoi me vdekjen e nipit të tij Uilliamit, Stefën, në vitin 1154.
- Familja suedeze Rausing
Kjo familje krijoi kompaninë “Tetra Pak Packaging”, dhe dinastia e saj ekziston ende. Hans Kristian Rausing, është trashëgimtari i “fronit” të babait të tij. Ky i fundit, vlerësohej të kishte një pasuri prej 12 miliardë dollarësh. Familja Rausing është nga Suedia, dhe dinastia është themeluar në vitin 1944. Kompania u transferua në Britaninë e Madhe në vitin 1985, për të shmangur taksat e larta.
- Familja gjermane Fuger
Kjo dinasti u themelua në vitin 1367. Ata u bënë mjeshtër në tregti. Por mbi të gjitha, u angazhuan me shitjen e indulgjencave në emër të Kishës. Kjo punë iu caktua Jakob Fuger. Kjo është arsyeja kryesore, pse ajo arriti të grumbullojë një pasuri të jashtëzakonshme. Kjo familje ka financuar luftërat pushtuese në të gjithë Evropën. Por në fund ajo falimentoi, duke i dhënë fund një historie suksesi 300-vjeçare. Ajo u nda në 3 degë, që ekzistojnë edhe sot.
- Familja britanike Grosvenor
Origjina e kësaj familje, është mbi 1000-vjeçare. Por fillesat e pasurisë datojnë në vitin 1677, kur fituan shumë toka nëpërmjet martesave. Kjo familje grumbulloi shumë pasuri të paluajtshme, që dëshirohen nga njerëzit në mbarë botën. Dhe sot zotërojnë një ndër agjencitë imobiliare më të mëdha në botë. Pasuria e pinjollit kryesor të familjes, Hjuxh Grosvenor, vlerësohet në 12.4 miliardë dollarë. Imagjinojeni sa mund të jetë pasuria e gjithë familjes.
- Familja gjermane Rotçajlld
Kjo familje e ka origjinën në Gjermaninë e viteve 1450. Ajo ndërtoi një perandori të madhe përmes bankave të saj të shumta. Anëtarët e kësaj familje u vendosën në të gjithë Evropën në qytete si Vjena, Londra dhe Napoli. Ata kanë pasur gjithmonë në pronësi koleksione gjërash të shtrenjta si makina të rralla, piktura të famshme dhe verëra të shtrenjta. Vetëm Jakob Rotçajlld, ka sot një pasuri prej të paktën 5 miliardë dollarësh.
- Familja Anjeli
Kjo familje e nisi trashëgiminë e saj në vitin 1899, kur Xhovani Anjeli bashkëthemeloi kompanisë “Motor FIAT”. Kjo familje zotëroi me vonë markat e makinave të famshme Ferarri, Lança, Alfa Romeo dhe Krajsler. Ajo është e njohur për pronësinë e klubit të Juventusit që nga viti 1923. Drejtuesi aktual i kompanisë është Xhon Elkan, i zgjedhur që në vitin 1997 si trashëgimtari kryesor i perandorisë financiare nga gjyshi i tij.
- Familja Hajniken
Bëhet fjalë për prodhuesit e birrës së famshme me të njëjtin emër. Kjo perandori financiare u themelua në vitin 1864, kur Gerard Hajniken, bleu një fabrikë birre në Amsterdam. Kjo familje, ia doli të krijojë një markë, që dallon edhe sot e kësaj dite. Trashëgimtarja kryesore Sharlen Hajniken, ka një pasuri prej 17.3 miliardë dollarësh./ TIRANA TODAY
