E shtunë, 23 Janar, 2021
9 C
Tirana

“Nëse ka një tiran në botë, ai je ti”, shpërthen Erdogan

Duke iu referuar kryeministrit izrelit, Benjamin Netanyahu, presidenti turk, Recep Tayyip Erdoğan, ka deklaruar se, “Nëse ka një tiran në botë, ai je ti që masakron fëmijët palestinez”, raporton Anadolu Agency (AA).

erdogan

Në ceremoninë e Çmimit Ndërkombëtar për Bujari në Qendrën e Kongresit në Ankara, presidenti Erdoğan duke folur për Netanyahun, tha se, “A nuk je ti ai që mban mijëra fëmijë, gra dhe pleq në burg për shkak të zgjedhjeve në Izrael… a nuk je ti ai që i shtyp ata”.

Më herët, zëdhënësi presidencial i Turqisë, Ibrahim Kalin, tha se Netanyahu sulmoi presidentin Erdoğan “për ekspozimin e komenteve raciste të liderit izraelit ndaj arabëve dhe muslimanëve”.

Netanyahu dje tha se Izraeli është “një shtet komb, jo i të gjithë qytetarëve të saj, por vetëm i popullit hebre”.

Presidenti Erdoğan po ashtu kritikoi Izraelin për sulmin ndaj kompleksit të xhamisë Al-Aksa, duke theksuar se kombi turk do të ngre zërin për çdo sulm kundër xhamisë.

Ai shtoi se Turqia do të qëndroj kundër çdo sulmi izraelit që synon xhaminë Al-Aksa dhe se populli turk nuk do të heshtë, edhe nëse pjesa tjetër e botës nuk pranon të flasë.

Presidenti turk po ashtu theksoi se Turqia do të vazhdoj luftën për Kudsin derisa qyteti të administrohet në një mënyrë të përshtatshme me rëndësinë e saj për botën islame.

Më tej, Erdoğan paralajmëroi Izraelin se Turqia do të kërkoj nga Izraeli të japë llogari para komunitetit ndërkombëtar për sulmet mbi kompleksin e xhamisë Al-Aksa.

Tensionet në Kuds janë rritur që nga muaji shkurt, kur policia izraelite mbylli për një kohë të shkurtë portën e xhamisë Al-Aksa, duke shkaktuar protesta palestineze.

Izraeli pushtoi Kudsin Lindor, ku dhe ndodhet Al-Aksa, gjatë Luftës arabo-izraelite në vitin 1967, si dhe aneksoi të gjithë qytetin në vitin 1980 në një masë që asnjëherë nuk u njoh nga komuniteti ndërkombëtar.

Presidenti turk po ashtu kritikoi krerët evropiane, të cilët morën pjesë në samitin arabo-evropian të mbajtur në Egjipt, menjëherë pas një ekzekutimi masiv të të rinjve nga preseidenti egjiptian, Abdel Fattah al-Sisi.

“Si mund të pranoni ftesën e Sisit, ndërkohë që dënimi me vdekje në BE është i ndaluar… Edhe ai është organizator i një masakre”, deklaroi Erdoğan.

Egjipti ka mbetur i rrethuar nga dhuna dhe trazirat që kur ushtria në një grusht shteti në vitin 2013 rrëzoi presidentin e parë të zgjedhur në mënyrë të lirë në vend, Mohamed Morsi./ AA

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...