E mërkurë, 28 Korrik, 2021
22.5 C
Tirana

Nëna e Carolinës merr kujdestarinë, pilotit i hiqet përgjegjësia prindërore

Pilotit 32-vjeçar sot i është hequr përgjegjësia prindërore. Babis Anagnostopoulos mbyti gruan e tij Caroline Crouch, me pretendimin se ajo i kishte kërkuar divorcin pas sherreve të vazhdueshme. Për prindërit e së ndjerës u hoq një barrë e madhe, pasi drejtësia u dha të drejtën për të rritur foshnjen. Zyra e Prokurorit për të miturit i dha kujdestarinë e përkohshme prindërve të Caroline Crouch, për vajzën e 20-vjeçares, e cila u vra nga bashkëshorti i saj në Glyka Nera të Greqisë.

Vogëlushja Lydia do të qëndrojë nën kujdesin e gjyshërve të saj, të cilët jetojnë në ishullin e Alonissos për 30 ditë, derisa gjykata të vendosë për kujdestarinë përfundimtare. Vendimi parashikon që prindërit e 32-vjeçarit Babis Anagnostopoulos të lejohen të komunikojnë me fëmijën. E përditshmja greke Kathimerini shkruan se Prokuroria i hoqi gjithashtu përgjegjësinë prindërore të akuzuarit.

Nëna e Caroline ka kërkuar kujdestari ekskluzive për mbesën e saj, ndërsa familja e Babis kërkon kujdestari të përbashkët të fëmijës, dhe kanë propozuar që të jetojë gjysmën e kohës në Athinë dhe gjysmën tjetër në Alonissos. Vrasja e 20-vjeçares ndodhi më 11 maj të këtij viti, kur fillimisht nga bashkëshorti vrasës u pretendua se gruaja u vra nga tre grabitës. 20-vjeçarja u gjet e vrarë në papafingo të shtëpisë, pranë krevatit të fëmijës së saj 11 muajshe, ndërsa burri i saj 32 vjeç, kishte krijuar një skenë sikur ishte i lidhur në një karrige në dhomën e gjumit. Babis Anagnostopoulos u prangos 37 ditë pas vrasjes, pasi u kap nga ora smart që mbante në dorë viktima, e cila kishte shënuar rrahjen e fundit të zemrës.

Lexo edhe :   Greqi/ Protestat e skeptikëve të vaksinimit, policia raporton 25 arrestime
- Reklama -

Më shumë nga kategoria




Të fundit

Si mund të shmangen epidemitë

Numri i vdekjeve të raportuara nga COVID-19 ka kaluar 4 milionë, sipas Universitetit Johns Hopkins që regjistron infektimet dhe vdekjet. Në 100 vitet e...

Politikani lituanez dënohet me burg për spiunim për Rusinë

Një gjykatë në Lituani dënoi politikanin Algirdas Paleckis me gjashtë vjet burgim, pasi e shpalli fajtor për spiunim për Rusinë. Gjykata e rrethit Siauliai vendosi...

Lëkundje sizmike me magnitudë 4.1 në Shqipëri

Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me...

Zgjedhje të parakohshme? Haradinaj: Qeveria Kurti nuk do të zgjasë shumë

Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në...

I pandehur me ish-ministrin Tahiri/ Rrëzohet kërkesa e Jaeld Çelës për liri

Gjykata e Posaçme kundër Korrupsionit dhe Krimit të Organizuar (GJKKO), ka rrëzuar  kërkesën e ish-drejtorit të Policisë së Vlorës Jaeld Çela, për lirimin nga...