Deputeti i PS-së, Fidel Ylli ka propozuar ndryshime në kod sa i përket dhunës në sport.
Sipas tij, duhen ligje më të ashpra në këtë fushë, pasi siç shprehet ai dhuna në këto lloj evenimentesh duhet dënuar sipas ligjeve evropiane.
Deklarata e tij në foltoren e Parlamentit:
“Ligjet jo vetëm të shkruhen, por edhe të zbatohen. Duke qenë se vij nga bota e sportit, do të ndalem te dhuna në sport. Dhuna në sport duhet të ndalet. Konventa Evropiane e miratuar në parlament garanton një mjedis të qetë në sporte të ndryshme. Konventa Evropiane kërkon që agjencitë ligj-zbatuese të mund të sigurojnë rend e siguri për një ndeshje futbolli apo tjetër aktivitet sportiv. Lojtarët, trajnerët dhe të tjerët duhet të veprojnë me tolerancë dhe në mënyrë të ndershme. Loja me dhunë nuk duhet më që të tolerohet.
Stadiumet tona janë çdo lloj standarde. Vetëm dy stadiume, Elbasan Arena dhe “Loro Boriçi” në Shkodër janë brenda standardeve, kurse të tjerat nuk plotësojnë kushtet. Qeveria jonë do të vazhdojë që të insistojë në miratim ligjesh që dënojnë dhunën. Duhen politika të caktuara në nivel europian. Duhen masa parandaluese për dhunë dhe fenomene të tjera shqetësuese. Ne si maxhorancë duhet të vazhdojmë të insistojmë për mospasje dhune në stadiume. Ne kemi investuar në stadiume dhe në fusha të tjera të sportit. Maxhoranca e ka parë sportin si fushë të rëndësishme kombëtare”, tha Ylli ndër të tjera.