“Ndodhet në vdekje klinike”, ja çfarë spekulohet për liderin korean

Profesori i Marrëdhënieve Ndërkombëtare në Universitetin e Pekinit shprehet se lideri i Koresë së Veriut, Kim Jong-un ndodhet në vdekje klinike.

Sipas tij, njoftimi zyrtar për vdekjen e tij mund të vijë pasi lufta për pasuesin e tij të ketë mbaruar. Lufta për pasuesin po zhvillohet midis dy kandidatëve që aspirojnë të zënë vendin e 36-vjeçarit.

Një nga kandidatët është motra e tij, Kim Yo-Jong, e cila është e përfshirë në Byronë Politike të Komitetit Qendror të Partisë së Punëtorëve. Ndërsa kandidati tjetër është xhaxhai i tij, Kim Pyong i cili është në fakt gjysmë-vëllai i babait të Kim.

“Problemi i tij është se ai ka qenë jashtë vendit për 40 vjet ndërsa Kim Yo-Jong ka pasur duart e saj brenda aparatit për 10 vjet”, thotë Sisci.

Edhe pse Koreja e Jugut bëri një deklaratë se lideri i vendit fqinj është “gjallë dhe mirë” spekulimet vijojnë. Thashethemet për shëndetin e udhëheqësit 36-vjeçar të Koresë së Veriut lindën, pasi “Daily NK” me qendër në Seul raportoi më 20 prill, se Kim Jong Un po shërohej nga një operacion, duke cituar një burim anonim në vend.