Rusia nëpërmjet përdorimit dhe ndikimit të faktorëve të tretë dhe jo drejtpërdrejtë si në disa vende të tjera të Ballkanit dhe Evropës lindore dhe qendrore apo vendeve kufitare prej më shumë se 5 vjetësh ka vënë në zbatim një plan për investimin në fushën e sektorit Energjetik në Shqipëri.
Fillimisht, duke përdorur resurset e saj, punonjës apo diplomatë të Ambasadës Ruse në Tiranë, kjo e fundit në vitin 2012-2013 ka depozituar një kërkesë pranë Ministrisë së Energjetikës Shqiptare, në atë kohë, për të pasur një informacion zyrtar në lidhje me privatizimin e Hidrocentraleve të Shqipërisë, të cilat janë asete shtetërore. Nëpërmjet këtij informacioni paraprak ata kërkonin të mësonin dhe të siguronin informacion të bollshëm në lidhje me sektorin energjetik në Shqipëri dhe kapacitetet e tij.
Nga ana tjetër, Rusia, nëpërmjet faktorëve të tretë po në Ballkan, është investuar direkt në futjen në tregun energjetik shqiptar duke dashur që të kontrollojë këtë të fundit. Për të arritur këtë qëllim është investuar një shumë finale prej 22 Milion Eurosh në këtë fushë. Është bërë dhe gjetja e faktorëve të tretë siç është Kisha Ortodokse Autoqefale Shqiptare, pasi duke qenë se është organizatë fetare jo fitim prurëse nuk ka arsye të deklarojë origjinën e fondeve që përdor apo origjinën e tyre, shkruan Syri.net
Fillimisht në zonën e Librazhdit është ngritur HEC-i “Rrapuni 1” me një kapacitet prej 6 Mega, ndërtimi i të cilit ka kapur shifrën 12 Milion Euro. Përcaktimi i vendor ku do të ndërtohej është përzgjedhur pasi është afër edhe me Maqedoninë, me qëllimi eksportin në një kohë të mëvonshme edhe në këtë shtet.
Mbarimi i këtij investimi, solli menjëherë fillimin e një investimi të ri, atë të ngritjes së një HEC-i tjetër atë të zonës së Llëngës, një investim prej 8 Milion Eurosh. Përcaktimi dhe studimi i këtyre vendeve për ndërtimin e HEC-eve është bërë nën kujdesin e punonjësve të Ambasadës Ruse në Tiranë të cilët janë parë shpesh në këto zona, para gjatë dhe pas ndërtimit të këtyre HEC-eve.
Investimet për ndërtimin e këtyre HEC-eve janë bërë paralelisht me projekte, idenë e ndërtimit të një HEC-i akoma më të fuqishëm në Maqedoni, ai i Radikës, i denoncuar më herët nga ana jonë dhe bërë publik më parë si rrezik.
Investimet në këto sektorë tregojnë se Rusia nëpërmjet palëve të treta fillimisht do të futet në tregun e energjetikës së këtyre vendeve, treg i cili është tërësisht i varur nga HEC-et dhe Hidro Energjia dhe nuk njohin forma të energjisë alternative dhe shkon paralel me atë të varësisë nga burimet e gazit dhe naftës nëpërmjet investimeve në këtë sektor.
Kjo tentativë është bërë publike edhe para Komisionit të Kongresit nga Zëvendësndihmës Sekretari i Shtetit. Varësia e këtyre vendeve paraqet probleme në të ardhmen e këtyre vendeve nga politika ruse dhe ndikim afat gjatë në energji dhe ekonomi.
