Aktualitet

NASA bën paralajmërimin e frikshëm: Ngjarje ekstreme gjatë 2020


               Publikuar në : 11:57 - 16/01/20 Gentjan Progni

Borë në shkretëtirë, diell i nxehtë në dimër, përmbytje e zjarre anë e mbanë botës. Viti 2020 do të karakterizohet nga ngjarje meteorologjike ekstreme. Ky është paralajmërimi i Nasas pas publikimit të të dhënave për rritjen graduale të temperaturave në planetin tonë.

Sipas ekspertëve, në 5 vitet e fundit janë regjistruar temperaturat më të larta që nga 1880. Situta po përkeqësohet edhe më shumë.

I njëjti rezultat është konfirmuar edhe organizata meteorologjike e OKB-së. Sipas tyre këto 5 vitet e fundit është rritur jashtëzakonisht shumë emetimi i gazrave serë në atmosferë, çka do të përkthehet në një rritje me 5 gradë celsius deri në fund të shekullit.

Në këtë kuadër janë përmendur dhe dy raste të regjistruara së fundmi, temperaturat ekstreme në Arabi, ku u shënuan dhe reshje të shumta dëbore në mes të shkretëtirës si dhe koha e ngrohtë në alpet e Zvicrës.

Të dy agjencitë theksojnë se ndër të tjera 2019 ka qenë viti i dytë pas 2016-ës, që mban rekordin e temperaturës tokësore duke konfirmuar në këtë mënyrë trendin e ngrohjes graduale të planetit.

Sekretari i Përgjithshëm i Organizatës, Peteri Taals, u shpreh se për fat të keq, priten shumë ngjarje ekstreme metereologjike në vitin 2020 dhe në dekadat e ardhshme.


Kthehu
WhatsApp Denonco ne TT