E mërkurë, 16 Qershor, 2021
25.5 C
Tirana

“Nami zi me shpenzimet për dasma”, shqiptarët: Marrim kredi dhe borxhe

Gjatë sezonit të verës shqiptarët nuk mendojnë vetëm për pushimet, por edhe për dasmat. Dikush është duke planifikuar dasmën e vetë, e të tjerë janë thjesht të ftuar. Por, në të dyja rastet shpenzimet nuk janë të pakta. Dhurata apo lekët që hidhen për çiftin janë në shuma të konsiderueshme. Ndërkohë, përgatitja e ceremonisë nga familja e çifti është lodhje më vete. Njëkohësisht edhe shpenzimet e harxhuara janë të majme. Që nga fustanet, te lokali, dekori, muzika, kameramani, e shumë harxhime të tjera.

Edhe pse bëhet fjalë për një ngjarje shumë të rëndësishme për shumë çifte, përsëri paratë e shpenzuara janë të shumta. Njëjtë mendojnë dhe qytetarët, të cilët thonë për Tirana Today se shqiptarët shpenzojnë shumë. Madje shumë herë ato janë të panevojshme.

“Sa të duash, aq sa nuk i marrin për një vit. Shpenzojnë pa fund lekë dhe ndonjëherë janë shumë ta panevojshme.”

“Namin e zi, shpenzojnë jashtëzakonisht shumë dhe akoma me tepër le të harxhojnë.”

“Sipas mendimit tim janë shpenzime krahinore dhe ato kanë tradita të ndryshme. Për mendimin tim Shqipëria e Mesme shpenzon më tepër. Këtu përfshihen Tirana, Elbasani. Bakshishet ne zonën e veriut i jepen zotit të shtëpisë. Kurse Shqipëria e Mesme mesa duket ka një tjetër traditë. Këto lekë i merr orkestra.”

“Mendoj se dasmat kanë ndaluar pak, nuk ka zhvillime si më parë. Vite më parë njerëzit martoheshin më tepër, kurse tani janë ulur. Besoj se kjo lidhet më shumë me gjendjen ekonomike, që sa vjen edhe bëhet më e dobët.”

Në një kohë kur pjesa me e madhe e popullit ankohet për pamundësi ekonomike, ku i gjejnë paratë për të bërë shpenzime marramendëse për dasma? Sipas qytetarëve, jo të pakta janë rastet kur të afërm të tyre kanë marr edhe kredi. Kjo për arsyen e vetme, se duan ta bëjnë dasmën më të bukur.

Lexo edhe :   Kosovë/ Presidentja Osmani shkarkon kryetaren e KQZ-së

“Ka shumë shpenzime të tepërta dhe për mendimin tim, familjarët nuk është se gëzohen shumë. Se jo do mendojnë kujt i ngel hatri, se ne shqiptarët njihemi për këtë gjë. Ndaj më mirë është t’ia japësh fëmijëve lekët dhe kështu edhe i ndihmon. Edhe atëherë të paktën në Tiranë, dasmat i bënin të mëdha. Por, tani shoh që sidomos në rrethe fillohet dasma që të mërkurën e deri të dielën. Kështu është shumë e tepruar.”

“Shqiptarët për dasma shpenzojnë sipas kapacitetit. Por, këtu lind një tjetër problem. Sepse unë duke mos pasur, nuk mund të arrij ta bëj dasmën aq të madhe sa e ka bërë filani. Kështu detyrohem të hyj në borxh apo të shkoj në bankë, që ta bëj e unë pak a shumë të madhe dasmën. Por, kjo gjë ekziston te shumë njerëz.”

“Shpenzojnë shumë shqiptarët për të realizuar një dasmë. Unë i kam martuar fëmijët dhe kam shpenzuar pafund lekë. Por, sigurisht që pa dasma nuk do i linim fëmijët.”

Edhe pse në Shqipëri harxhohet shumë për dasma, shqiptarët në Kosovë apo Maqedoni harxhojnë edhe më tepër. Pasi shtuar shpenzimeve për lokalin, fustanet, paja, po ashtu edhe ari që i jepet nuses kushton shumë. Por, edhe pse buxheti është i majmë, përsëri shumë familje zgjedhin t’i ndjekin të gjitha traditat. Edhe nëse i duhet të marrin kredi.

Lexo edhe :   Kosovë/ “Kërcënimet nisën në janar”, ish-kryetarja e KQZ-së zbardh prapaskenat

“Ne që jetojmë në Kosovë, shpenzojmë shumë më shumë ndoshta dhe se ju në Shqipëri. Shpenzohen më tepër mbi fustanet, por te ne edhe bakshishet janë mjaft të famshme. Definitivisht që njerëzit hyjnë edhe në borxhe për të realizuar një dasmë.”

“Shpenzojnë bukur shumë dhe më tepër shpenzojnë për orkestrën. Po ashtu edhe këngëtari apo grupi muzikor kërkon tepër para.”/ TIRANA TODAY

- Reklama -

Më shumë nga kategoria




Të fundit

SHBA i dhuron Shqipërisë, 1 milion dollarë pajisje mjekësore

Komanda europiane e Shteteve të Bashkuara të Amerikës, i ka dhuruar Shqipërisë 1 milion dollarë pajisje mjekësore kundër koronavirusit për spitalin Nënë Tereza në...

Putin: Biden është burrë shteti, shumë ndryshe nga Trump

Presidenti i Rusisë, Vladimir Putin e ka konsideruar burrë shteti homologun e tij amerikan, Joe Bideen. Në konferencën për mediat pas takimit me këtë të...

Euro prek nivelin më të ulët që nga fillimi i pandemisë

Euro ra të mërkurën në nivelin e 122.85 lekëve, duke prekur nivelin më të ulët që nga fillimi i pandemisë. Sipas kursit zyrtar të këmbimit...

BE-ja bie dakord për sanksione të reja ndaj Bjellorusisë

Bashkimi Evropian ka rënë dakord për të vendosur sanksione ndaj 78 individëve dhe shtatë entiteteve të Bjellorusisë për shkak të uljes së detyruar të...

”Ambasadorët do kthehen në postet e tyre”/ Putin zbardh takimin me Biden

Presidenti i Rusisë, Vladimir Putin ka zbardhur detaje nga takimi që zhvilloi me homologun e tij amerikan, Joe Biden ditën e sotme në Gjenevë. Gjatë...