E premte, 22 Janar, 2021
13 C
Tirana

Mungesa e vaksinës: A mund të shtyhet doza e dytë?

Numri i njerëzve të vaksinuar po rritet ngadalë – ende nuk ka vaksinë të mjaftueshme. Ekspertët këshillojnë si të vaksinohen shumë njerëz sa më shpejt të jetë e mundur. Një ide: doza e dytë të jepet më vonë.

Disa ditë pas fillimit, diskutimet rreth fushatës së vaksinimit në Gjermani vazhdojnë. Shkencëtarët po shqyrtojnë mundësinë që, si në Britaninë e Madhe, doza e dytë e nevojshme e vaksinimit të jepet më vonë, në mënyrë që të vaksinohen sa më shumë njerëz që të jetë e mundur me rezervat e pakta.

“Meqenëse intervali midis dy vaksinimeve me shumë gjasa mund të ndryshojë brenda kufijve të gjerë dhe mbrojtja është shumë e mirë edhe pas një vaksinimi, vlen të mendohet që në rastin e sasisë së pakët të dozave të vaksinave, doza e dytë të jepet më vonë,” thotë Thomas Mertens, kryetari i Komitetit të përhershëm të vaksinimit në Institutin Robert Koch. Sidoqoftë, kjo përbën një sfidë të re për planifikimin e vaksinimit të dytë, i cili në fund të fundit duhet të kryhet.

Virologu i Bonit, Hendrik Streeck kishte bërë një deklaratë të ngjashme në tv RTL. Të dhënat tregojnë se më shumë se gjysma e të vaksinuarve janë të mbrojtur nga sëmundja e rëndë pas vaksinimit të parë. Sidoqoftë, së pari duhet të ketë një diskutim në lidhje me një qasje të tillë. “Nuk është një vendim i lehtë, por do të ishte një mënyrë për të vaksinuar më shumë njerëz shpejt.”

Dymbëdhjetë javë në vend të tre javëve

Të mërkurën, Britania e Madhe dha një leje emergjente për vaksinën e kompanisë farmaceutike britanike-suedeze AstraZeneca dhe Universiteti i Oksfordit, vaksina e dytë pas asaj të Biontech/Pfizer. Në të njëjtën kohë, komisioni rekomandoi që sa më shumë njerëzve që të jetë e mundur t’u jepet vetëm doza e parë e vaksinës për të dyja vaksinat. Doza e dytë duhet të injektohet brenda dymbëdhjetë javësh në vend të dy deri në katër javë, siç qe planifikuar fillimisht.

Lexo edhe :   Covid/ Manastirliu tregon se kur do të kryhet vaksinimi i të gjithë popullatës

Shumë ekspertë të Britanisë së Madhe e mirëpritën vendimin si një qasje të arsyeshme për përballimin e mungesës së vaksinës. Sidoqoftë, ata theksuan edhe se efektiviteti është më i vogël pas dozës së parë dhe duhet të vërehet nëse strategjia funksionon vërtet.

Peter Kremsner, Drejtor i Institutit për Mjekësi Tropikale në Universitetin Eberhard Karls në Tybingen, mendon se qasja britanike thelbësisht është shumë e arsyeshme. “Nëse efekti i vaksinimit të parë nuk zvogëlohet shpejt me kalimin e kohës, vaksinimi i dytë mund të ndodhë gjithashtu më vonë, për shembull pas gjashtë muajsh. Këtë ne nuk e dimë ende. Kështu është vepruar edhe me vaksinat e tjera.”

Lexo edhe :   Varhelyi: BE, mekanizëm për të siguruar vaksinat për Ballkanin Perëndimor

Schäuble kundër privilegjeve për të vaksinuarit

Ndërkohë, Presidenti i Bundestagut, Wolfgang Schäuble është shprehur kundër trajtimit preferencial për njerëzit që janë vaksinuar kundër koronavirusit. “Trajtimi preferencial për njerëzit e vaksinuar mbart rrezikun e ndarjes së shoqërisë,” i tha politikani i CDU gazetës “Neue Osnabrücker Zeitung”.

Schäuble tha se nuk duhet të futet”asnjë pykë” midis atyre që janë vaksinuar tashmë dhe atyre që nuk janë vaksinuar. Ritmi i zhvillimit të vaksinave është “absolutisht mbresëlënës”. Kështu që ka shpresë që prodhimi të bëhet edhe më shpejt sesa pritej. Anëtarët e qeverisë federale si Ministri i Shëndetësisë Jens Spahn dhe Ministri i Brendshëm Horst Seehofer kishin bërë tashmë deklarata të ngjashme.

Aktualisht është e paqartë në çfarë mase mbron një vaksinim kundër Coronas me vaksinën e vetme të lejuar deri tani në Gjermani të Biontech-ut nga infektimi i njerëzve të tjerë, kur vetë je bërë imun ndaj virusit./DW/

- Reklama -

Më shumë nga kategoria




Të fundit

Maqedonia e Veriut publikon pagat e kabinetit, Zaev paguhet më pak se Rama

Maqedonia e Veriut ka publikuar pagat e kabinetit qeveritar. Pagën më të lartë e merr kryeministri Zoran Zaev, respektivisht 78.840 denarë, ndërsa i shtohet...

Kim dhe Soreca takojnë kreun e KED: Të plotësohen vakancat në Kushtetuese

Ambasadorja e SHBA-ve në vendin tonë, Yuri Kim dhe ambasadori i BE-së, Luigi Soreca, zhvilluan një takim ditën e sotme me kreun e Këshillit...

Apeli i Metës: Të ndihmojmë biznesin për të ndalur shpopullimin

Presidenti i Republikës, Ilir Meta shprehet i shqetësuar për situatën ekonomike në vend. Meta shprehet se Shqipëria ka barrën fiskale më të lartë dhe...

Shkrihet Dega e LSI-së, të 140 anëtarët i bashkohen Partisë Socialiste

Dega e Lëvizjes Socialiste për Integrim në fshatin Gjeroven në rrethin e Beratit, është mbyllur. Mesditën e sotme, kryetari i degës së LSI-së në...

Gati ose jo, Bajden do të përballet me një test të shpejtë përballë Putinit

Mundësia e parë e presidentit të ri amerikan Xho Bajden për të shmangur qasjen shpesh komode të Donald Trump ndaj Rusisë, erdhi vetëm disa...