Aktualitet

Moti i kthjellët me temperatura në rritje


               Publikuar në : 16:19 - 14/01/20 M S

Aktualisht vendi ynë është nën ndikimin e kushteve të qëndrueshme atmosferike, ndërsa moti është i kthjellët në të gjithë territorin. Përjashtim këtu bëjnë zonat malore të verilindjes dhe juglindjes, ku ka vranësira mesatare deri dhe të dendura si dhe mjegull të dendur.

Temperaturat në vlerat e mesditës sot arritën deri në 4ºC (kjo për shkak të vranësirës dhe mjegullës), ndërsa në zonat e ulta e ato bregdetare deri në 18ºC, një ditë e ngrohtë dhe plot me diell.

Edhe për ditën e nesërme vendi ynë do të ndikohet nga të njëjta kushte atmosferike. Moti do të jetë i kthjellët në të gjithë territorin. Temperaturat e mëngjesit pritet të kenë një rënie të lehtë, duke prekur vlerat -3ºC në relievet malore deri 6ºC në ato të ulta e bregdetare. Në vlerat e mesditës pritet një rritje e lehtë duke arritur 8ºC në relievet malore, ndërsa ato të ulta dhe bregdetare 18-19ºC.

 


Kthehu
WhatsApp Denonco ne TT