Mori vaksinën kineze, Paja: Mos hezitoni, shëndeti nuk ka të majtë e të djathtë

Aktori i njohur, Luftar Paja para tre ditësh është injektuar me dozën e parë të vaksinës kineze anti-covid të prodhuar nga kompania ”Sinovac”.

Në një intervistë të dhënë për ‘Shqipëria Live’, Paja tha se nuk ka pasur asnjë efekt anësor, ndërsa thotë se ndihet shkëlqyeshëm.

Ai u ka bërë thirrje të gjithë qytetarëve që të mos hezitojnë të marrin vaksinën dhe të mos ndikohen nga propaganda e keqe, pasi sipas tij, shëndeti nuk ka as të majtë dhe as të djathtë.

E kam bërë vaksinën në datën 28. Jam shkëlqyeshëm, jo mirë, por shkëlqyeshëm. Nuk kam pasur asnjë problem. Do të shkoj të bëj vaksinën në fillim, që të jem i sigurt dhe t’u them atyre që votojnë, shkoni bëni vaksinën. I them skeptikëve, mos hezitoni se shëndeti nuk ka të majtë e të djathtë, popullsia duhet të vaksinohet. Dua që gojët e liga të mos merren me propagandën e keqe për shëndetin. Shëndeti nuk do t’ia dijë je i majtë apo i djathtë”, u shpreh Paja.