Kompania farmaceutike amerikane, Moderna, që prodhon vaksinën kundër koronavirusit, ka njoftuar se ka zhvilluar një tjetër vaksinë kundër variantit afrikano-jugor të COVID-19.
Vaksina e re quhet mRNA-1273.351 dhe disa doza janë dorëzuar në Institutin Kombëtar të Shëndetit të SH.B.A.-së për fillimin e studimit klinik që do të testojë efikasitetin dhe sigurinë e tij, shkruan Fox News.
“Ne jemi të kënaqur që fillojmë studimin klinik për vaksinën e re dhe jemi mirënjohës për bashkëpunimin e Instituteve Kombëtare të Shëndetit”, tha Stephane Bancel, CEO i Moderna.
Moderna nuk është e vetmja kompani farmaceutike që po zhvillon një vaksinë që mund të jetë gjithashtu mbrojtëse ndaj varianteve të virusit.
Edhe Pfizer dhe Biontech po shqyrtojnë nëse duhet të shtojnë një dozë të tretë për të luftuar variantet e reja të COVID-19.