Shqipëria

Moderatorja rrëfen për herë të parë depresionin që kaloi pas lindjes së djalit

               Publikuar në : 19:09 - 12/08/19 Enno

Moderatorja e njohur, Bieta Sulo ka rrëfyer për herë të parë një moment të vështirë më të cilën është përballur menjëherë pas lindjes së djalit.

Gjatë një interviste dhënë për revista “Class”, moderatorja u shpreh se e kapte veten duke qarë pa pasur një arsye, ndërsa shtoi se e kuptoi shumë shpejt që bëhej fjalë për depresionin pas lindjes.

Po ashtu, Bieta ka folur edhe për ndihmën që i ka ofruar bashkëshorti i saj, Alban Dudushi, për të cilin tha se i është gjendur pranë në çdo moment.

“Ehhhh… ishte një ndjesi e çuditshme, sepse të vinte për të qarë dhe ti nuk e kuptoje pse-në. Njerëzit më uronin për djalin, për shembull, unë qaja dhe habitesha edhe me veten. Sigurisht që e kuptova shumë shpejt se për çfarë bëhej fjalë, depresioni pas lindjes. E kalova shumë shpejt dhe besoj që më ka ndihmuar edhe fakti që prej ditës së dytë kemi dalë nga shtëpia, e morëm Kroin dolëm për një kapuçino, bëmë shëtitje me karrocë dhe, nga ana tjetër, edhe Albani ka qenë shumë pranë meje. Mendoj se të dalësh nga shtëpia është zgjidhja, të takohesh me shoqërinë, ashtu me fëmijën me vete, sepse kupton që jeta qenka njësoj, madje më e plotësuar, se ke edhe një shok të vogël me vete (siç është rasti im me djalë)…”, tha Bieta.

Kthehu
WhatsApp Denonco ne TT