E enjte, 17 Qershor, 2021
26.5 C
Tirana

Mini-Shengeni/ Idrizi: Asnjë aleancë me Vuçiçin, mohoi masakrën e Reçakut

Kreu i PDIU-së, Shpëtim Idrizi e ka cilësuar mini-Shengenin Ballkanik si një aleancë të autoritaristëve të rinj të Ballkanit që kanë vetëm një qëllim, konsolidimin e pushtetit të tyre.

Përmes një deklarate për mediat, Idrizi bën thirrje se kjo nismë e cila sipas tij nuk të çon askund, të pushohet menjëherë e të mos shkruhet një tjetër faqe turpi në historinë politike shqiptare.

“Asnjë aleancë me Vuçiçin, që vetëm para pak ditësh mohoi masakrën e Reçakut, nuk mund të legjitimohet nga shqiptaret. Asnjë cenim i interesave dhe kufijve të shqiptarëve nuk mund të jetë në tavolinë ku ka prezencë të shtetit shqiptar”, tha më tej ai.

Deklaratë për media e PDIU:

Megjithë situatën e rëndë që po kalon vendi, shohim me shqetësim se kryeministri vazhdon me këmbëngulje idenë e tij të Minishengenit Ballkanik.
Edhe pas kërkesave të Përsëritura të shtetit të Kosovës dhe vendeve të tjera të rajonit, po vazhdohet në të njëjtën rrugë e cila nuk të çon askund.

Situata që po përjeton vendi është e paprecedentë. Mijëra familje që kanë mbetur pa banesa, një buxhet i rrënuar nga vjedhja qeveritare dhe hapësira e lirisë që po asfiksohet çdo ditë nga aktet e dhunshme qeveritare.

Si të mos mjaftojë kjo tablo dramatike në skenën politike po shfaqet aleanca e autoritaristëve të rinj të Ballkanit që kanë vetëm një qëllim, konsolidimin e pushtetit të tyre.

Asnjë aleancë me Vuçiçin, që vetëm para pak ditësh mohoi masakrën e Reçakut, nuk mund të legjitimohet nga shqiptaret. Asnjë cënim i interesave dhe kufijve të shqiptarëve nuk mund të jetë në tavolinë ku ka prezencë të shtetit shqiptar.

PDIU ka denoncuar qysh ne fillim, si të dëmshme idenë e Minishengenit Ballkanik:

  1. Shqipëria duhet ta shohë Serbinë vetëm me syrin e Kosovës, ky është detyrim kushtetues dhe patriotik për çdo Shqiptarë e aq më shumë për çdo ofiqar të shtetit.
  2. Nuk mund të ketë bashkëpunim rajonal të Shqipërisë pa Kosovën. Kosova për ata që se dinë banohet nga Shqiptarë, është fqinje me Shqipërinë dhe është vend i Rajonit të Ballkanit.
  3. Kryetari i “Rilindjes” e ka detyrim të degjojë për Kosovën kërkesën e të gjithë partive politike të Kosovës që janë të zotët e shtëpisë.
  4. Genocidin, spastrimin etnik të Serbisë në Kosovë s’mund ti amnistojë fotoja në Tiranë e Ramës me Vuçiçin.
  5. Shqipëria e ka të përcaktuar që në kohën e Rilindasve rrugën drejt Perëndimit, e çdo rrugë tjetër drejt Lindjes është karshillik dhe gafurrje prej megallomani provincial.
  6. Historia e ka dënuar çdo përpjekje për ringjalljen e ish-Jugosllavisë apo të Konfederatës Ballkanike, ide e vjetër e Titos që po vishet me kostumin e Minishengenit Ballkanik.
  7. Çdo përpjekje për të zhdukur Çështjen Çame dhe Kosovën nga librat e historisë dhe harta e ballkanit, janë naivitet dhe tradhëti Kombetare.
Lexo edhe :   'Me një mik special'/ Rama i shkon në shtëpi ish-presidentit francez, Sarkozy
Lexo edhe :   Rama takohet me Mitsotakis në Bruksel, përshpejtohen negociatat për detin

Kërkojmë që kjo nismë që nuk të çon askund të pushohet menjëherë e të mos shkruhet një tjetër faqe turpi në historinë politike shqiptare. Protesta mbetet e vetmja rrugë, dhe kryetari i rilindjes nuk do mund të fshihet as pas gjendjes së jashtëzakonshme.

- Reklama -

Më shumë nga kategoria




Të fundit

“U eleminua për larje hesapesh”, detajet e rënda për 25-vjeçarin

25-vjeçari Fridman Xhaferraj u eleminua për larje hesapesh. Në këtë përfundim ka arritur Prokuroria e Korçës, pas hetimeve të kryera për ngjarjen e rëndë...

Eriksenit do t’i vihet një ICD në trup që t’i godasë zemrën po ndaloi përsëri

Kristian Eriksen do të pajiset me një aparat ‘starter’ për zemrën, sipas konfirmimit të ekipit kombëtar danez. Mesfushori i Interit u rrëzua në fushë gjatë...

Albioni, djalit që iu rikthye buzëqeshja nga shqiptarët dhe “Fundjavë Ndryshe”

Albion Hyka, 3 vjeç, është një ndër fëmijët që iu rikthye buzëqeshja nga shqiptarët dhe “Fundjavë Ndryshe”. Djali i vogël pritet që ti rikthehet normalitetit,...

Euro 2020/ Ndeshja e parë e ditës, Ukrainë-Maqedoni V, 5 shqiptarë në fushë

Raundi i dytë i ndeshjeve të fazës së grupeve vazhdon sot me dy grupe të tjera, teksa Holanda dhe Austria kërkojnë matematikisht kualifikim që...

“24 orët vendimtare”, drejt zbardhjes vrasja që tronditi Greqinë

Policia greke është shumë pranë zbardhjes së vrasjes së 20-vjeçares. Duket se këto do jenë 24 orët vendimtare, ku hetimet do të marrin një...