E hënë, 24 Janar, 2022
3.5 C
Tirana

Meta kërkon verifikim nga SPAK për ministrat e rinj, ja rezultati

Ndonëse dekretoi Ramën si kryeministër dhe përgëzoi Lindita Nikollën për zgjedhjen si kryetare Kuvendi, Kreu i Shtetit, Ilir Meta, ka nisur një proces të rreptë verifikimi për ministrat e rinj.

Të shtunën, kryeministri Edi Rama i dërgoi presidentit Ilir Meta propozimet për qeverinë e re dhe në të njëjtën ditë presidenti Meta iu drejtua me një kërkesë Prokurorisë së Përgjithshme, ku i kërkonte informacion nëse mes 16 emrave, ka persona nën hetim ose të proceduar penalisht.

“Presidenti i Republikës, Ilir Meta, kërkon të informohet nëse dispononi të dhëna, apo informacione mbi emrat e kandidatëve të propozuar, lidhur me procese hetimore apo penale qe janë nisur apo mund të jenë në fazë vlerësimi për t’u iniciuar, për secilin prej tyre.

Nëse për këta shtetas disponohen informacione të kësaj natyre, pa cënuar sekretin hetimor, kërkojmë që, të informohemi mbi gjendjen e procedimit dhe statusin e secilit prej shtetasve të mësipërm”, thuhej në shkresë.

Ditën e djeshme, Prokuroria e Përgjithshme i është përgjigjur kërkesës së presidentit ku shprehej se sipas kërkimeve dhe informacioneve nga ana e saj edhe në Prokuroritë e rretheve, asnjë nga 16 emrat e propozuar nuk rezulton të ketë qenë i proceduar penalisht apo të jetë nën hetim aktualisht.

Struktura e posaçme kundër korrupsionit dhe krimit të organizuar, i ka kthyer të njëjtën përgjigje si Prokuroria e Përgjithshme. SPAK thotë se asnjë prej emrave të paraqitura nga presidenti, nuk është i regjistruar si person nën hetim në regjistrin e njoftimit të veprave penale të Prokurorisë së Posaçme.

“Asnjë Ministër i kabinetit Rama 3, nuk është nën hetim”.

Meta, me anë të një shkrese zyrtare kërkoi që Prokuroria e Përgjithshme dhe SPAK, t’i vinte në dispozicion çdo të dhënë në lidhje me proceset hetimore apo penalë që mund të ishin nisur për ministrat e propozuar. Meta kërkonte që përgjigjja nga Prokuroria e Përgjithshme dhe SPAK të kthehej sa më shpejt, në mënyrë që të mund të shprehej për emërimet brenda shtatë ditëve, siç edhe e kërkon procedura.

Lexo edhe :   Merr detyrën Arqipeshkvi i ri i Kishës Katolike, politika bëhet bashkë
- Reklama -

Më shumë nga kategoria




Të fundit

Recitoi mes dëborës/Meta: Vargjet e mia shqetësuan çunat e “Ballkanit të Hapur”

Kreu i Shtetit, Ilir Meta, është pyetur nga gazetarët sot për recitimin që bëri së fundmi në Korçë, ndërsa në qytetin juglindor kishte nisur...

Meta i përgjigjet “dhëmbë për dhëmbë” Ramës

Pa humbur kohë, presidenti Meta i është përgjigjur thumbave të kryeministrit Rama. Presidenti Ilir Meta i ktheu përgjigje deklaratave të Ramës, se më 6...

“Kreu i FSHF”, Meta: Dënoj çdo ndërhyrje të politikës, që synon shantazhimin!

Ndërsa foli për mediat pas homazheve te shtatorja e Ismail Qemalit, në bulevardin Dëshmorët e Kombit, Kreu i Shtetit, Ilir Meta është prononcuar edhe...

U ekzekutua nga një i mitur për hakmarrje, zbardhet ngjarja e rëndë në Lezhë

Një ngjarje e rëndë ka tronditur Lezhën. Një person është qëlluar për vdekje në fshatin Manati. Bëhet me dije se ka ndërruar jetë Lekë...

Prokuroria nis verifikimet për Dukën/Braçe: Ka shuar historinë e futbollit

Prokuroria e Tiranës ka nisur hetimet për presidentin e FSHF-së, Armand Duka. Prokuroria e Tiranës është në fazën fillestare të hetimit, ku po kryen...