Bota

Meta: I trishtuar nga zjarri në ‘Notre Dame’ (foto)

               Publikuar në : 21:48 - 15/04/19 marsela

Presidenti Ilir Meta ka reaguar për zjarrin që ka shkrumbuar një pjesë të rëndësishme të katedrales të ‘Notre Dame’ në Paris. Përmes rrjeteve sociale, presidenti ka shprehur afërsinë e tij me popullin francez në këtë ditë të vështirë për atë vend, por edhe për trashëgiminë botërore.

“Asgjë nuk do mbetet”/Bota mban frymën për ‘Notre Dame’ (foto)

“I trishtuar nga zjarri i rënë në Katedralen Notre Dame, këtë simbol të Parisit dhe Francës, por edhe të trashëgimisë kulturore europiane dhe botërore. Uroj sa më pak dëme! Solidaritet me popullin francez!”, shkruan Meta në Facebook.

Presidenti i Francës, Emmanuel Macron, në një postim në Twitter shkroi: “Notre Dame de Paris në flakë. Emocioni i një kombi të tërë. Pranë të gjithë katolikëve dhe të gjithë francezëve. Ashtu si të gjithë bashkatdhetarët tanë, unë jam i trishtuar të shoh këtë pjesë tonën duke u djegur”.

“Notre Dame” në flakë, Macron: Jam i trishtuar, pranë të gjithë katolikëve

Për ngjarjen reagoi edhe presidenti amerikan, Donald Trump. “Çfarë tmerri të shohësh zjarrin masiv në katedralen ‘Notre Dame’ në Paris. Ndoshta duhet ndërhyrë nga ajri, për të shuar zjarrin. Veproni shpejt”.

Video/Bie kulla e ‘Notre Dame’, Trump: Veproni sa më shpejt!

 

 

 

Kthehu
WhatsApp Denonco ne TT