Ekonomi

Mediat italiane bëjnë thirrje për të investuar në Shqipëri

               Publikuar në : 07:39 - 12/06/19 M. S

Do t’ju pëlqente të hapni një aktivitet jashtë vendit? Të bërit biznesit jashtë Italisë nuk është e lehtë, por as e pamundur. Paraguai, Estonia dhe Shqipëria, janë (sipas mendimit tonë) tre vendet që ‘ i shkelin syrin’ Italisë, për nga mundësitë që ofrojnë, si dhe talentet.

Kështu e  nis një artikull të fundit prestigjiozja Vanity Fair Italia, ku liston Shqipërinë në një ndër 3 vendet më të mira për të bërë biznes nga italianët.

“A mund të konsiderohen Paraguai, Estonia dhe Shqipëria kufijtë e rinj ku të bëjnë biznes dhe të lëvizin, të kapin mundësi të jashtëzakonshme bizneset italiane? Ndoshta po. Por për të qenë i suksesshëm në punë (dhe gjithashtu në jetë), përveç vlerësimit të tregut të duhur dhe partnerëve të biznesit, duhet t’i kushtoni vëmendje faktorëve të tjerë, si burokracia, tatimet dhe të keni një pasqyrë jo vetëm të investimit, por edhe të vendit në të cilin synoni të kapitalizoheni. Logjika dhe ekonomia, ne e dimë, nuk janë gjithçka: nëse në njërën anë është e drejtë të shqyrtojmë aspektet ekonomike, nga ana tjetër do të duhet të marrim parasysh jetën dhe zakonet e atij vendi, të cilat mendojmë se mund të bëhen vendbanimi ynë i ri.”- thuhet në artikull.

Më poshtë, në detaje për Shqipërinë:

Shqipëria, për disa është rajoni i njëzet i Italisë

Kjo mund të jetë për shkak të afërsisë me Italinë dhe lidhjet e thella që bashkojnë këto dy vende (Italia ka qenë gjithmonë mbështetëse e hyrjes në BE të Shqipërisë – negociatat do të nisin në qershor 2019), por Shqipëria është një treg tërheqës. Kjo konfirmohet nga Domenico Letizia, Presidenti i Institutit të Kërkimeve të Ekonomisë dhe Politikës Ndërkombëtare.

“Për disa është rajoni i njëzet i Italisë. Kostot e ulëta të punës dhe një taksë e sheshtë shumë e përshtatshme, e kanë bërë Shqipërinë një destinacion shumë tërheqës për kompanitë tona. Kostot konkurruese, përfitimet tatimore, taksimi jo i rëndë, burokracia e pakët, kuadri ligjor që nuk parashikon kufizime të veçanta dhe që lehtëson rrjedhën e investimeve të drejtpërdrejta nga jashtë dhe një kornizë rregullative ekonomike që është në përputhje me ligjet evropiane: janë vetëm disa nga avantazhet e ofruara nga ky shtet. Toka e shqiponjave është partneri kryesor tregtar i Italisë, duke mbajtur një pjesë prej 37% të shkëmbimit të përgjithshëm tregtar. Sipas të dhënave të lëshuara nga Instituti Shqiptar i Statistikave, Italia zë gjithashtu vendin e parë në numrin e kompanive me kapital të huaj dhe të përzier që veprojnë në Shqipëri, me një rast prej 46% të totalit dhe një rritje vjetore prej 21% “. -thotë z. Letizia.

Ai vijon duke folur për Vanity Fair,  duke treguar një aspekt tjetër interesant: “Objektivi aktuali i këtij vendi i deklaruar është hyrja në Bashkimin Evropian dhe për këtë arsye Tirana zyrtare po bën gjithçka për të forcuar lidhjet e saj me Evropën dhe me institucionet kryesore ndërkombëtare … ».

Sektorët në të cilët italianët investojnë më së shumti janë energjia, infrastruktura dhe telekomunikacioni, por edhe bujqësia. Domenico Letizia kujdeset për portalin e markës “Made in Albania”, e cila gjithashtu mund të magjepsë sipërmarrësit italianë. Ky është një projekt që është akoma embrional dhe ndërsa lexojmë nga faqja e internetit do të shërbejë si një katalog për promovimin e produkteve cilësore shqiptare dhe për të shikuar drejt së ardhmes, përmes fillimit të një eksperience të tillë në tregjet ndërkombëtare “.-përfundon artikulli./Monitor

 

Kthehu
WhatsApp Denonco ne TT