Edhe ish-ministri i Financave dhe i Ekonomisë, Arben Malaj, ka një koment në lidhje me ngjarjen tragjike ku dy punëtorë humbën jetën teksa ishin duke punuar. Malaj kujton faktin se kjo ngjarje ka ndodhur afër banesës së tij, e ndërsa me disa prej punonjësve përshëndeteshe disa herë gjatë ditës.
Ndërsa vlerëson punën e Bashkisë, ai i tërheq vemendjen edhe për shkeljet, për të cilat nuk janë marrë masat e duhura. Me anë të një statusi në Facebook, Malaj nënvizon ndër të tjera se asnjë leje për fillim punimi nuk jepet nga investitori pa verifikuar certifikimet teknike të çdo punonjësi të thjeshtë të administratorëve. Për rrjedhojë, Bashkia e Tiranës ka një rregullore për punimet në fjalë, dhe ngritjen e një Komisioni Mbikëqyrës për këto punime.
“Kjo tragjedi ndodhi shume afer shtepise time. Me disa prej punonjesve pershendeteshim disa here gjate dites. Vdekja e dy prej tyre dhe plagosja e tre shokeve te tyre te dhemb ne shpirt. Bashkia bene mire qe stimulon investimet e perbashket me komunitetit, por kontrolli I pare per cdo punim eshte certifikimi i punonjesve sidomos ne ndertim kaq specifike deri ne 15 apo 20 kate. Asnje leje per fillim punime nuk jepet nga investitori pa verifikuar certifikimet teknike te cdo punonjesi jo thjeshte te administratoreve. Bashkua e Tiranes ka nje rregullore per keto punime dhe ngritjen e nje komisioni Mbikeqyres per keto punime. Pas kesaj mbikeqyrja ne teren nga Bashkia eshte e qartesuar ne rregulloren perkates. Nje nga fitimet abuzive te kompanive ne Shqiperi eshte kostua e investimeve fizike dhe trajnuese e stafeve. Ata nuk paguajne per trajnimet dhe pajisjet teknike te dmd. Keto fitime abuzive shpesh perfundojne me vdekje dhe plagosje te punonjesve. Pra fitimet jane kriminale. Hetimi duhet te jete i shpejte dhe efektiv. Larg çdo nderhyrje deformuese. Bashkia e Tiranes duhet te jete pjese e hetimeve. Ndersa aksioni i lyerjeve te pallatave duhet te mos nxitohet, te behet vetem kur kompanite por edhe cdo punonjes I tyre, kane trajnimet dhe certifikimet e detyrueshme te sigurise ne pune. U prefshin ne paqe viktimat e pafajshme te kesaj tragjedie. Ngushellime familjareve, miqeve dhe shokeve te tyre! Arbeni”.
