Politikë

Zbulohen tre kushtet e Bashës: Hyjmë në zgjedhje vetëm nëse…

               Publikuar në : 12:49 - 18/04/19 Enno

Kreu i PD, Lulzim Basha i propozoi Kryesisë së Partisë Demokratike marrjen e tre vendimeve të rëndësishme sa i përket pjesëmarrjes në zgjedhjet vendore.

Ndër të tjera, Basha theksoi se regjistrimi në zgjedhjet do të bëhet vetëm pasi të krijohen kushtet për zgjedhjet të lira dhe të ndershme, të mos lejojë mbajtjen e zgjedhjeve fasadë, si dhe të mandatojë Kryetarin e Partisë dhe Sekretarin e Përgjithshëm, Gazment Bardhin për të negociuar me partitë politike të opozitës.

Tre propozimit e Lulzim Bashës drejtuar Kryesisë së PD:

1.Partia Demokratike e Shqipërisë të regjistrohet në zgjedhje vetëm pasi të jenë krijuar kushtet për zgjedhje të lira dhe të ndershme. Situata aktuale politike në Shqipërisë, nuk mundëson standardet demokratike për zgjedhje të lira dhe të ndershme. Është provuar se Qeveria e Edi Ramës ka bashkëpunuar me  krimin e organizuar për blerjen e votave.

2.Partia Demokratike e Shqipërisë të mos lejojë mbajtjen e zgjedhjeve fasadë, që shkatërrojnë demokracinë dhe vullnetin e qytetarëve shqiptarë.

3.Të mandatojë Kryetarin e Partisë dhe Sekretarin e Përgjithshëm për të negociuar me partitë politike të opozitës marrëveshjen për garantimin e zgjedhjeve të lira dhe të ndershme, mbrojtjen e interesit publik dhe formalizimin e aksionin opozitar për arritjen e këtyre qëllimeve.

Kthehu
WhatsApp Denonco ne TT