Krimet kibernetike jo vetëm që janë rritur shumë në numër, shpeshtësi por janë përhapur shumë sin ë territory dhe në llojshmëri. Ky është vetëm një nga modelet e mashtrimit që është aplikuar dhe në Shqipëri. Vetëm pak ditë më parë në vend u arrestua një 22-vjeçar i cili ishte në kërkim që korrikun e një viti më parë, pasi së bashku me mashtrues të tjerë në internet, hapnin llogari Facebook-u dhe hynin në kontakt me të tjerë individë prej të cilëve në forma të ndryshme kishin përfituar rreth 38 mijë euro në një kohë të shkurtër.
Policia e Shtetit ka realizuar së fundi një operacion në kuadër të krimit kibernetik, ndodhur në territorin Shqiptar. 4 të ndaluar dhe 8 në kërkim, ndër ta shqiptarë dhe të huaj.
Por si funksiononte skema e tyre e mashtrimit që prodhoi jo pak por 4 milion euro?
Këta persona kontaktonin subjekte të ndryshme në rolin e kompanisë apo arkës ku do të depozitohej një pagesë e caktuar, që subjekti i kontaktuar e depozitonte normalisht dhe i thuhej se të dhënat e kompanisë pritëse (fictive që ishte krijuar nga mashtruesit) kishin ndryshuar dhe për këtë arsye pagesa duhej të bëhej në jë tjetër numër llogarie me të tjera të dhëna. Gjithashtu subjekteve viktima u dërgohej dhe një e-mail i cili me ndihmën e dizajneve perfekte dukeshin njëjtë si origjinali. Në këtë mënyrë rritej dhe besueshmëria tek marrësi.
Krimi kibernetik është kthyer në një problem shqetësues në dimensionin politik gjithashtu. Në Shtetet e Bashkuara, Departamenti i Shtetit do të ofrojë shpërblime deri në 10 milionë dollarë për informacione që çojnë në identifikimin e cilitdo që merret me veprimtari kibernetike kundër infrastrukturës kritike të SHBA-ve. Shtëpia e Bardhë ka nisur një grup pune për të koordinuar përpjekjet për të ndaluar këto sulme.
/Tirana Today
