Tradhtia pretendohet se është bërë shkak që 35-vjeçares ti erreshin sytë, dhe të shtinte mbi bashkëshortin e saj. Të paktën kjo ka qënë deklarata e dhënë prej autores së krimit të rëndëm në rajonin e policisë.
Në gjendje të rënduar psikologjike, 35-vjeçarja Violeta Donaj ka rrëfyer në polici se ka qëlluar me pistoletë ndaj bashkëshortit Kujtim Donaj, 42-vjeç, pa e menduar dy herë, pasi sipas saj, burri e tradhtonte.
“Krimin e kam kryer për motive xhelozie, pasi bashkëshorti me tradhtonte”, mësohet të ketë deklaruar ajo.
Ngjarja e rëndë ndodhi rreth orës 07:10 të mëngjesit të së dielës, në tregun e Milotit.
Policia e arrestoi Violetën në tentativë për tu larguar, ndërsa në cilësin e provës materiale është sekuestruar arma e krimit.
