Bëhet me dije se Franca ka nisur luftanijet e saj në lindje të Mesdheut, për manovra të përbashkëta me marinën e Greqisë e Qipros. Kjo lëvizje e Francës vjen vetëm një ditë pasi presidenti Emmanuel Macron dënoi Turqinë për përshkallëzimin e tensioneve me Greqinë.
“Po flasim këtu për bashkëpunim dhe manovra të përbashkëta tokësore e detare. Do të dëshironim që dhe vendeve të tjera kufitare të na bashkohen.
Franca mbështet Greqinë dhe Qipron sa i përket të drejtave të tyre sovrane, dhe dënon sfidimin e këtyre të drejtave nga Turqia. Ne përsërisim shqetësimet tona dhe dënojmë marrëveshjen Turqi-Libi”, tha Macron.
Pas bisedimeve në Paris mes kryeministrit grek Kyriakos Mitsotakis, Macron premtoi përshkallëzim të marrëdhënies strategjike me Greqinë, duke njoftuar një pakt të ri mes ministrive të mbrojtjes së dy vendeve.