Politikë

Manjani: Opozita dogji skenarin e Ramës për një politikë më të egër


               Publikuar në : 21:39 - 05/12/19 M S

Ish-ministri i Drejtësisë, Ylli Manjani, deklaroi mbrëmjen e sotme në studion e “Ora News”, se opozita bëri zgjedhjen e duhur që nuk hyri në garën politike. Në këtë formë, sipas tij, opozita dogji skenarin e Ramës për të bërë një politikë më të egër.

Duke iu referuar situatës kaotike pas tërmetit të 26 nëntorit, Manjani shtoi dozën e kritikave ndaj kryeministrit. Ai u shpreh qartazi se Rama po luan veçse teatër, dhe se nuk i interson aspak për të zgjidhur hallet e popullit.

“Fakt është në opozita nuk hyri në garën politike. Padyshim që bëri mirë. Është diçka njerëzore. Dogji skenarin e Ramës, për ta fut lojën politike edhe më egër sesa dukej.

Duke mos pasur opozitë, do merrej me diçka. Media, qeni. I bërtiti një qeni, kulmi. I bërtiti qenit pusho. Çfarë të them. Një shtetar kur shkon në një skenë të tillë, si shkon pa letër, pa laps.

Mbaj shënim o burri i dheut, mbylle gojën. Mbaj shënim se çfarë halli ka. Mund të mos ia zgjidhësh, por mbaj shënim. Keni parë ndonjë të mbajë shënime? Më gjeni një zyrtar.

Mirë kryeministri që nuk mban, se nuk di shkrim e këndim, por më gjeni një zyrtar që mban shënim për hallin që e dëgjoi, dhe të shkojë nesër të thojë kjo zgjidhet kështu. Ky është tmerr.

Kjo është gjë që nuk shkon. Ai është në skenar politik, është aktrim. Po përpiqet të ngulë këtë gozhdë, unë jam këtu, jam i keq padiskutim. S’keni tjetër më të mirë. Këta janë shumë keq. Këtë po përpiqet të ngulë. Kjo është loja e tij, nuk pyet për tërmet. Janë teatër të gjitha”.

 


Kthehu
WhatsApp Denonco ne TT