Ish-ministri i Drejtësisë, Ylli Manjani ka përshëndetur dorëheqjen e drejtorit të Përgjithshëm të Transportit Rrugor, Arben Isaraj.
Manjani shkruan se ky është standardi i sjelljes së zyrtarit politik, ndërsa bën një krahasim me ministrin e Brendshëm, Fatmir Xhafaj.
Duke ironizuar qëndrimin e këtij të fundit, Manjani shkruan se “vëllai i Arben Isarajt u arrestua për shumë më pak nga sa ka bërë vëllai i Fatmir Xhafajt”.
Postimi i Manjanit:
Vëllai i Arben Isarait u arrestua për shumë më pak nga sa ka bërë vëllai i Fatmir Xhafajt.
Megjithatë Arbeni dha dorëheqje nga një funksion shumë më të pa rëndësishëm sesa ai që mban Fatmiri.
E përshëndes zotin Arben Isaraj për qytetarinë dhe nivelin e lartë etik e profesional!
Ky është standarti i sjelljes se zyrtarit publik, standart të cilin Rilindja na e kishte fshirë nga memoria politike.
