Gjykata e Rrethit Gjyqësor të Elbasanit ka shpallur të ligjshëm mandatin vendor të kryebashkiakut të ri të Përrenjasit, Nuri Belba.
Marrja zyrtare e detyrës paraprihet nga konstatimi i këshillave bashkiakë dhe betimi i kryetarëve të rinj. Por mandatet e Këshillave Bashkiakë ende nuk janë konfirmuar sepse duhen të konfirmohen nga Kolegji Zgjedhor më parë. Kjo për arsyen se KQZ-ja nuk ka arritur kuorumin e nevojshëm prej 5 anëtarësh.
Mandati i kryebashkiakut të Përrenjasit është mandati i katërt, nga shtatë, në Qarkun e Elbasanit të konfirmuar nga Gjykata, për fituesit të zgjedhjeve të 30 qershorit. Pas përfundimit të zgjedhjeve, në Qarkun e Elbasanit PS-ja ka fituar edhe tri bashkitë që qeveriseshin nga LSI-ja dhe PDIU-ja.
Nga ana tjetër, Gjykata e Beratit ka legjitimuar mandatin e kryetarit të bashkisë Berat, Ervin Demo.
