Sot u mbajt në Tiranë Forumi “Mendjet e bukura frymëzojnë të tjerët”, nga “World Economic Forum” në kuadër të bashkëpunimit rajonal, ku mori pjesë kreu i qeverisë shqiptare Edi Rama dhe ish-ministrja Majlinda Bregu.
Kur Rama ishte larguar, Majlinda Bregu mori fjalën dhe për shkak të një problemi teknik, mikrofoni i saj ndaloi së funksionuari.
Në këtë moment, ajo kërkoi të ulet në karrigen e kryeministrit Rama, duke thënë një batutë mjaft epike që nuk i shpëtoi vëmendjes së të pranishmëve.
“Mund të ulem në karrigen e kryeministrit? Zakonisht nuk më pëlqen dhe s’e kam zakon të marr karrigen e të tjerëve kur ajo është bosh. Mua më pëlqen të konkurroj për karrigen, por është në rregull”, tha Bregu, duke shkaktuar të qeshura.
