Libofshë / Kërcënon me djegie kutinë e votimit, arrestohet qytetari

Një ngjarje e rëndë raportohet nga Fieri, në përmbyllje të procesit të votimit. Gazetari Ervis Kuçi raporton për BalkanWeb se një i ri është shfaqur me një shishe me lëndë djegëse në dorë, në momentin që kanë qenë duke dalë kutitë e votimit nga qendrat e votimit, duke bërë thirrje se do t’i djegë.

Ai ka qëndruar me shishen e ndezur në dorë përpara portës së mjediseve të qendrave të votimit, por policia që ndodhej në këto mjedise për mbarëvajtjen e procesit, ka ndërhyrë menjëherë, duke e ndaluar dhe shoqëruar në ambientet e komisariatit.