E enjte, 20 Janar, 2022
-1.5 C
Tirana

“Leku e hedh ujin përpjetë”, jepet vendimi për ish zv.ministren e Brendshme

Apeli i Gjykatës së Posaçme kundër Korrupsionit, ka lënë në fuqi masën e sigurisë “arrest shtëpie” për ish-zëvendësministren e Brendshme, Rovena Voda. Ajo akuzohet se ka marrë 2 mijë euro rryshfet për punësimin në Ministrinë e Brendshme të shtetases Florida Beu.

GJKKO la në “arrest shtëpie” në mungesë Rovena Vodën më 13 korrik, ndërsa ra në “rrjetën” e SPAK nga përgjimet që SPAK kishte nisur për prokurorin e Kukësit, Edmond Karriqi, i cili u arrestua në Kavajë nën akuzën e “korrupsionit”.

Në sajë të hetimeve të kryera nga SPAK, nga përgjimet rezultoi se Rovena Voda ka pranuar nga avokatja Florida Beu 2 mijë euro, një telefon dhe një arkë me peshk për punësimin e saj në Ministrinë e Brendshme, por që në fund procedura mbeti në mes.

Marrja e eurove dhe të mirave materiale janë filmuar, përgjuar dhe fotografuar nga SPAK, ndërsa ato janë marrë në momente të ndryshme dhe jo të gjitha njëherësh.

Zbulimi i korrupsionit nga një çështje tjetër

Zbulimin e korrupsionit nga ana e ish zv.ministres së Brendshme, Rovena Voda, SPAK e ka zbuluar gjatë hetimit të një çështje tjetër. Hetimet për çështjen tjetër kanë nisur që në 2019, ndërsa SPAK zbuloi edhe marrjen e rryshfetit nga ana e ish zv.ministres Voda. Më 13 shkurt 2020 avokatja Florida Beu dhe Rovena Voda zhvilluan një takim. Avokatja i kërkoi Vodës që ta favorizonte atë, për t’u punësuar në Ministrinë e Brendshme.

“Nuk të bëjë dot shefe, por mund të të fus specialiste diku”, mësohet t’i ketë thënë Voda. Më tej ajo ka telefonuar dikë në Departamentin e Administratës Publike, duke i thënë se do e rregulloj specialiste.

Më pas është futur në lojë avokatja nga Durrësi, Majlinda Hasani, e cila ka folur me Floridën dhe sipas SPAK, Beu i kanë dhënë shumën prej 1 mijë eurosh të futur në një zarf dhe 1 mijë euro të tjera më pas. Pas këtij momenti, Florida i thotë Majlindës se i ka ngelur mendja se mos duheshin më shumë para për t’i siguruar një vend të mirë pune.

Lexo edhe :   Parabola e Kafkës që i bën politikanët të dalin buzagaz nga Prokuroria!!

Nga përgjimet e SPAK, dëgjohet se pas këtij momenti, Majlinda të ketë thënë “se leku e hedh ujin përpjetë” dhe se “tani Rovena na përgjigjet menjëherë”.

Lexo edhe :   Parabola e Kafkës që i bën politikanët të dalin buzagaz nga Prokuroria!!

Takimi i tretë është filmuar dhe është zhvilluar në Portin e Durrësit, ku ka marrë si dhuratë edhe një arkë me peshk. Nga ana tjetër dyshohet, sipas SPAK, që Rovena ka marr dhe një aparat telefon.

Më 28 shkurt 2020, tre gratë janë takuar në Ministrinë e Brendshme dhe Florida Beu, ka aplikuar në 11 vende pune të hapura në këtë Ministri. Sipas verifikimeve, Florida Beu nuk u shpall fituese në asnjë nga vendet ku aplikoi. /Tirana Today 

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...