E shtunë, 23 Janar, 2021
12 C
Tirana

Leksionet që na mësoi viti 2020

Nga: Glenn Geher “Psychology Today”

Të thuash që viti 2020 ka qenë kaotik, do të ishte një nënvlerësim. Ne u goditëm nga një pandemi, e cila në të gjithë botën ka vrarë deri më tani gati 2 milionë njerëz. Si një njeri që njihet përgjithësisht për optimizmin e tij, këtë vit e kam pasur të vështirë të jem shumë shpresëplotë. Sidomos, kur u preka vetë nga koronavirusi në fillim të vitit. Por le të mos harrojmë shprehjen e një sportisti të njohur, Ed Gibons që thotë se “fatkeqësitë ndërtojnë karaktere”. Në këtë kuadër: ja cilat janë 20 leksione të rëndësishme psikologjike që na la ky vit.

Hierarkia e nevojave të Maslout, zbatohet edhe në jetën e përditshme

Në vitin 1943, psikologu i njohur Abraham Maslou përshkroi nevojat më themelore të njeriut në mënyrë hierarkike, duke nisur nga ato për ushqim dhe strehim. 2020-ana ka mësuar shumë në lidhje mbi hierarkinë e nevojave në jetën tonë të përditshme. Kur u preka nga COVID dhe qëndrova i shtrirë për 2 javë në shtrat në muajin mars, u fokusova i gjithi në qëndrimin gjallë, gjatë një kohe të pasigurt. Për mua nuk kishte nevoja më prioritare sesa mbijetesa.

Të gjithë jemi në të njëjtën barkë

Fakti që si kryeministri britanik Boris Xhonson, po ashtu edhe presidenti i SHBA-ve Donald Trump, u prekën nga virusi dhe kishin nevojë për kujdes spitalor, flet shumë për aftësinë e një pandemie për të krijuar një lloj barazie. Askush nuk është mbi forcat e përzgjedhjes natyrore.

Shkenca ka rëndësi

Kombet që i janë drejtuar shkencës, kanë pasur vazhdimisht një ecuri më të mirë sesa kombet e tjera gjatë pandemisë. Hulumtimi mbi efektet e distancës shoqërore dhe mbajtja e maskave ka pasur rezultate të pagabueshme:Këto praktika funksionojnë dhe reduktojnë përhapjen e virusit.

Fleksibiliteti i sjelljes është thelbësor

Në secilën prej industrive kanë ndodhur ndryshime në procedurat e punës. Për shembull në arsimin e lartë profesorët u detyruan të ndryshonin stilet e tyre të mësimdhënies në mënyrë që të ishin në gjendje të mësonin online studentët e tyre.

Triumfi i teknologjisë

Si një shkencëtar evolucionar i sjelljes njerëzore, unë kam qenë shpesh kritik ndaj teknologjisë moderne. Por viti 2020 na ka treguar shumë nga përparimet e teknologjisë. Teknologjia e takimeve virtuale, si Zoom, ka dëshmuar të jetë e domosdoshme,duke na lejuar të bëjmë shumë nga punët tona gjatë këtyre kohërave të vështira.

Demokracia ka dobësitë e saj

Demokracia amerikane i zbuloi këtë vit të gjitha dobësitë e saj. Debati politik u shndërrua në një cirk. Sistemi dy partiak u kthye në një tipar shumë përçarës,dhe potencialisht problematik i qeverisë sonë. Nga ana tjetër, po ky vit na ka treguar se demokracia ka edhe pikat e saj të forta. Zgjerimi i proceseve të votimit (siç është votimi i hershëm), ka lejuar një pjesëmarrje më të lartë në procesin zgjedhor.

Pavarësisht se ku jetoni, qëndroni të lidhur me familjen

Në një vend të madh si SHBA, anëtarët e familjes janë shpesh të shpërndarë nëpër zona të mëdha. Gjatë pandemisë, mbajtja e lidhjeve familjare ka qenë më e vështirë se në të kaluarën. Por njerëzit iu përshtatën situatës për të pasur lidhje të forta me anëtarët e familjes.

Nuk mund të jeni asnjëherë mjaftueshëm të përgatitur

Ky vit na mësoi shumë rreth gatishmërisë. Mos harroni marsin, kur nuk mund të blinit dot letër higjienike në supermarkete. Përgatitja për më të keqen është gjithmonë mënyra më e mirë, për të punuar për më të mirën. Një nga leksionet më me vlerë të vitit 2020:Asnjëherë mos e nënvlerësoni rëndësinë e të qenit i mirë-përgatitur.

Duhet të vlerësojmë atë që kemi

Gjatë pandemisë, shumë nga ne kanë humbur njerëzit e dashur. Shumë të tjerë e panë veten të sëmurë, ndonjëherë me pasoja afatgjata. Por nga ana tjetër, kjo pandemi mund të na ndihmojë të mësojmë nga përvoja dhe të numërojmë bekimet tona.

Burimi i lajmit: https://www.psychologytoday.com/intl/blog/darwins-subterranean-world/202012/20-lessons-2020

Përshtatur nga TIRANA TODAY

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...