La bashkëshorten dhe 3 fëmijët, futbollisti brazilian lidhet me mbesën e gruas

Sulmuesi brazilian, Givanildo Vieira de Souza, i njohur ndryshe me nofkën ‘Hulk’ është vënë në qendër të vëmendjes kohët e fundit, sa i përket jetës së tij private.

31-vjeçari i cili aktivizohet me skuadrën e Kinës, Shanghai Sipg është ndarë nga bashkëshortja e tij, Iran Angelo de Souza dhe ka nisur një lidhje me mbesën e saj.

Cifti ka qenë në një lidhje së bashku prej 12 vitesh, prej së cilës kanë sjellë në jetë 3 fëmijë: Ian, James dhe Alice.

Sipas mediave të huaja, të shtunën e kaluar Hulk ka telefonuar prindërit e vajzës për t’iu bërë të ditur se është në një lidhje dashurie me Camilan.