E shtunë, 12 Qershor, 2021
27.5 C
Tirana

Kuvendi/ Hysi kritika kryeprokurorit: Pse pushohen shumë çështje pa u hetuar?

“Prokuroria duhet të ndjekë politika më të ashpra penale, për krimet seksuale dhe shantazhimet”. Kërkesa erdhi sot nga Kreu i Komisionit të Ligjeve në Kuvendin e Shqipërisë, deputeja Vasilika Hysi, gjatë seancës dëgjimore me kryeprokurorin Olsjan Çela, ku u diskutua lidhur me rezultatet e vitit 2020 në këtë institucion.

Deputetja Hysi u referua te krimet seksuale, duke kërkuar që të shihet edhe masa e ndëshkimit të personave që kërcënojnë apo kryejnë krime seksuale të grave dhe të vajzave të mitura. “Rasti i Kavajës, a duhet një politikë penale më të ashpër dhe agresive për krimet seksuale dhe dhunës në familje. Mendoj që të jetë një nga rekomandimet e 2021, politika penale më ashpër për krimet seksuale, krimet seksuale, shantazhimit që i bëhet vajzave me videot erotike. Cili është bashkëpunimi i prokurorive të rretheve me shoqatat e organizatat”, tha Hysi.

Kreu i Komisionit të Ligjeve, i ka kërkuar shpjegime kreut të akuzës edhe për nivelet e larta të marrjes së pafajësisë dhe numrit të pakët të çështjeve të dërguara nga ana e akuzës në gjykatë. “Pse kemi kaq shumë mos fillime të hetimeve të çështjeve?”, pyeti Hysi kryeprokurorin, duke kërkuar njëkohësisht shpjegime edhe lidhur me nivelin e lartë të vendimeve të pafajësisë që marrin në gjykatë shumë nga të akuzuarit.

Vetë kryeprokurori Çela, përmes shifrave të lexuara para Komisionit të Ligjeve, ka pranuar uljen e shifrave të dosjeve të dërguara në Gjykatë, ku shumë çështje pushohen nga ana e organit të akuzës.

Ndërkohë, deputetja Hysi ka shprehur pakënaqësinë e saj dhe të kolegëve lidhur me mos fillimit të shumë çështjeve hetimore. Sipas Hysit, aksioni me moton “godit paranë” nuk pati shumë rezultat nëpërmjet ligjit Antimafia.

“Paraja duhet goditur? Zbatimi i ligjit Antimafia. Ka rritje por nuk është ai rezultat që pritet. Do të doja të dija cila është arsyeja, ka mungesë të vullnetit apo keni vështirësi për zbatimin e ligjit Antimafia? A ka barriera, apo faktin që një pjesë e prokurorëve që janë në Vetting nuk duan të merren, pasi mund të largohen nga ky proces”, theksoi Hysi përballë kryeprokurorit Çela, i cili më pas lexoi vetëm statistika përballë anëtarëve të Komisionit të Ligjeve. /Tirana Today

- Reklama -

Më shumë nga kategoria




Të fundit

Përmbyset autoboti me naftë në Elbasan, bllokohet shoferi

Një autobot me karburant është përmbysur mesditën e sotme në aksin rrugor Elbasan-Librazhd, pranë fshatit Xibrakë. Sipas informacioneve paraprake, mësohet se shoferin e ka zëne...

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...