E diel, 20 Qershor, 2021
17.5 C
Tirana

Kuvendi diskutonte shkarkimin e tij, Meta në kafe me deputetin socialist

Nga: Renato Çaushi

Paraditen e sotme, teksa Kuvendi po diskutonte për shkarkimin e tij dhe ngritjen e një Komisioni Hetimor, Presidenti i Republikës Ilir Meta, është fotografuar në një kafene në Tiranë.

Fillimisht, ai ka qenë nën shoqërinë e ish-deputetit dhe këshilltarit të tij, Dritan Ylli teksa pak çastë më vonë, tavolinës i është bashkuar deputeti i Partisë Socialiste, Anastas Angjeli dhe një tjetër person.

Mësohet se takimi mes Metës dhe Angjelit, ka zgjatur për rreth 40 minuta, ndërkohë që nuk dihet nëse deputeti socialist është ulur me Kreun e Shtetit për të diskutuar për shkarkimin e tij, apo ka qenë thjesht një takim miqësor.

Angjeli, i cili ka qenë më parë edhe Minstër i Financave, nuk garoi për një mandat deputeti në zgjedhjet parlamentare të 25 prillit, ndaj këto janë muajt e fundit për të në këtë legjislaturë.

Kuvendi miratoi Komisionin Hetimor

Ditën e sotme, Kuvendi miratoi me 97 vota pro, ngritjen e Komisionit Hetimor për shkarkimin e Presidentit të Republikës, Ilir Meta.

Ndërkohë, 6 deputetë të pranishëm të seancë votuan kundra ngritjes së Komisionit, teksa pati vetëm një abstenim.

Përse u ngrit Komisioni Hetimor

Kuvendi i ka hapur rrugë Komisionit Hetimor që të hetojë lidhur me shkeljet e pretenduara nga 49 deputetë të mazhorancës, të cilët akuzojnë Metën se ka dalë jashtë kompetencave dhe ka shkelur Kushtetutën para dhe gjatë zgjedhjeve të 25 prillit.

Në daljet e tij të shpeshta publike, Meta ka akuzuar mazhorancën se do të tentojë të prishë procesin zgjedhor, teksa bënte dhe paralajmërime të forta, ku thoshte se do t’i pritej dora atij që cënon votën e lirë, apo deklaronte se popullli duhet të rrëmbejë sfurqet.

Lexo edhe :   Pas Putin, Biden pritet të takojë presidentin kinez Xi Jinping
- Reklama -

Më shumë nga kategoria




Të fundit

OBSH e shpall të përfunduar shpërthimin e Ebolës në Afrikën Perëndimore

Organizata Botërore e Shëndetësisë (OBSH) tha se shpërthimi i virusit të Ebolës, që nisi në shkurt në Guinea, ka përfunduar. Ky virus vdekjeprurës, që përcillet...

Levandovski mban gjallë shpresat e Polonisë, Spanja komplikon kualifikimin

Përfundon ndeshja e grupit C, ku Spanja ka komplikuar kualifikimin, pasi Polonia i ka surprizuar, duke i rrëmbyer një pikë. Sfida u mbyll në...

Gjermani, gjenden dy piktura të shekullit XVII në një kosh plehrash

Policia gjermane po kërkon për informacion për dy piktura origjinale nga artistë evropianë të shekullit të 17, të cilat përfunduan në një kosh plehrash...

Kapacitetet e Kosovës për vaksinim në masë të popullsisë kundër COVID-19

Në Kosovë gjatë kësaj jave filloj vaksinimi në masë i qytetarëve kundër COVID-19, me synimin që të vaksinohen deri 320 qytetarë në muaj. Zyrtarë...

Mbi 1 milion vaksina/ Mbërrijnë në Rinas edhe 50 mijë doza të Coronavac

Mbrëmjen e sotme, kanë mbërritur në aeroportin ''Nënë Tereza'', 50 mijë doza të vaksinës kineze Coronavac. Lajmin e ka bërë të ditur kryeministri Edi...