Kush janë fëmijët më të pasur sot në botë

Ndërsa shumica e njerëzve punojnë shumë gjatë gjithë jetës së tyre për të fituar para të mjaftueshme për ta përballuar jetën, ka disa njerëz që lindin të pasur. Shumica e tyre janë aktorë të rinj të Hollivudit, ndërsa disa me cilësi të jashtëzakonshme, apo me prindër shumë të pasur.

  1. Xhejlin Bledsou. Pasuria neto: 3.5 milion dollarë

Themeloi kompaninë e tij që kur ishte 12-vjeç, dhe tani është një sipërmarrës i njohur. “Bledsoe Technologies” është e fokusuar tek grafikët, dhe dizajnet e faqeve të internetit. Ajo ka tani 150 punonjës me kontratë.

  1. Riko Rodrigez. Pasuri neto: 4 milion dollarë

Është një aktor që e ka nisur karrierën në moshë shumë të vogël. Në vitin 2009, u bë i famshëm për rolin e Meni Delgados në “Modern Family’”, i transmetuar në televizionin amerikan ABC. Që atëherë, ka luajtur në shumë filma, dhe madje ka shkruar edhe një libër.

  1. Ela Faning. Pasuria neto: 5 milion dollarë

Hyri në listën e fëmijëve më të pasur në botë, duke luajtur role të ndryshme në disa filma të njohur. Debutoi në ekran në vitin 2001 duke luajtur në mini-serialin “Taken”, si versioni më i ri i motrës së saj, Dakota Faning.

  1. Xhaden Smith. Pasuria neto: 8 milion dollarë

Është djali i aktorit të njohur amerikan Uill Smith, dhe është duke ndjekur gjurmët e babait të tij. Me të atin ka luajtur në filmin “After Earth” në vitin 2013.

  1. Ebigeil Breslin. Pasuria neto: 12 milion dollarë

Si një aktore dhe këngëtare, Ebigail e filloi karrierën e saj pasi u shfaq në një koncert për një reklamë, kur ishte vetëm 3-vjeçe. Vetëm 2 vjet më vonë në vitin 2002, luajti në filmin e saj “Signs”. Në vitin 2006 fitoi disa çmime prestigjioze.

  1. Valentina Pino. Pasuria neto: 12 milion dollarë

Është është vajza e aktores, producentes dhe regjisores meksikane Salma Hajek dhe Fransua -Henri Pino, një miliarder francez. Pasuria neto e Valentinës është tani 12 milion dollarë. Por me pasuritë e mëdha të babait dhe nënës së saj, ajo do të trashëgojë shumë më tepër në vitet në vijim.

  1. Nik D’aloisio. Pasuria neto: 30 milion dollarë

Është një programues kompjuterash nga Britania e Madhe. Arriti të bëhej një sipërmarrës në internet që në moshën 15 vjeçare. D’aloisio vlerësohet gjerësisht si një gjeni i teknologjisë, sidomos kur krijoi aplikacionin iOS Summly, dhe ia shiti atë kompanisë Yahoo për jo më pak se 30 milion dollarë.

  1. Danielin Birkhed. Pasuria neto: 59 milion dollarë

Është vajza e Ana Nikol Smith dhe Lerri Birkhed. Që kur lindi në vitin 2006, ajo ka trashëguar një pasuri prej 59 milion dollarësh. Smith, një ish-aktore amerikane e Playboy dhe personalitet televiziv, vdiq vetëm një vit më vonë, nga një mbidozë ilaçesh.

  1. Noks & Vivien Zholi Pit. Pasuria neto: 67.5 milion dollarë

Janë binjakët e çiftit të famshëm të Hollovuit Anxhelin Zholi dhe Bred Pitt. Ata kanë lindur në vitin 2008 në Nisë të Francës. Fotoja e parë e tyre u shit për 14 milion dollarë, duke u bërë më e shtrenjta e realizuar ndonjëherë. Ata kanë trashëguar një pasuri të madhe, falë famës së prindërve të tyre.

  1. Princi Xhorxh Aleksandër Luis. Pasuria neto:  1 miliard dollarë

Fëmija më i pasur në botë sot është Princi Xhorxh i Kembrixhit, djali i Princit Uilliam, Dukës së Kembrixhit dhe Katrin, Dukeshës së tij. Ai trashëgon një pasuri të madhe, pasi familja mbretërore britanike është një nga më të pasurat në botë.

Burimi i lajmit: https://luxatic.com/meet-the-10-richest-kids-in-the-world-right-now/

Përshtatur nga TIRANA TODAY