E hënë, 18 Tetor, 2021
12.5 C
Tirana

Kush janë dy “të fortët” që iu kërkoi llogari OFL-ja

Operacioni Forca e Ligjit ka deklaruar se i ka kërkuar sot të deklarojnë pasurinë Eljon Hatos dhe Ilir Selmanit.

Eljon Hato është i njohur më shumë për publikun pasi emri i tij është mes personave që u plagosën në ngjarjen e bujshëm të 4 tetorit 2018 në lokalin “Monopol” në zonën e ish-Bllokut ku mbeti viktimë Fabjol Gaxha dhe u plagos shoku i tij Ervis Martinaj.

Hato mbeti i plagosur madje u tha se një plumb kishte prekur shtyllën kurrizore.

Ky justifikim bëri që ai në shkurt të vitit të shkuar të linte qelinë pasi ju rikualifikua masa e sigurisë nga “arrest me burg” në “arrest shtëpie”.

Por kjo nuk është ngjarja e vetme ku është përfshirë 29-vjeçari pasi në vitin 2014 ai ka vrarë Indrit Yllin, në moshën 24 vjeçare si edhe ka plagosur Jetmir Mollën.

Policia sqaroi asokohe se pas një debati banal mes autorit dhe viktimës në një lokal nate, Hato ka nxjerrë armë e tij dhe ka qëlluar në drejtim të viktimës.

Një vit më pas, pasi ndodhej në burgun e Shën-Kollit, Eljon Hato, akuzohet se ka porositur vrasjen e mjekut radiolog të spitalit të Shkodrës, Agron Terolli.

Hato kishte “pajtuar” 21-vjeçarin, Osman Mulja për të kryer vrasjen, por fatmirësisht policia arriti t’a parandalonte ngjarjen e rëndë.

Megjithëse Mulija kishte deklaruar se ai ishte porositur nga Hato për vrasjen nuk dihet ende se si ky i fundit kishte dalë nga burgu dhe u shfaq në mes të ish-Bllokut në vitin 2018. Jo vetëm kaq por tashmë ai ende nuk ndodhet në burg.

Personi i dytë që OFL i ka kërkuar deklarim pasurie është Ilir Selmani. Ai është gjithashtu i përfshirë në ngjarje kriminale në Tiranë.

Selmani për momentin është në kërkim pasi dyshohet si pjesë e grupit që morën pjesë në ekzekutimin e ish-policit Santiago Malko për llogari të klanit Duka mbrëmjen e 27 gushtit në zonën e “Xhamllikut” në Tiranë.

I njohur me nofkën ‘Boksieri’, Selmani dyshohet se është personi i cili ktheu makinën në momentin që Leonard Duka ka njoftuar për lokalizimin e Malkos.

Nga këqyrja e kamerave të sigurisë ai shihet gjithashtu teksa mbledh bishtat e cigareve që kishte hedhur në tokë Blendi Teta, njeriu që mendohet se survejoi lëvizjet e ish-policit Santiago Malko.

Selmani mbledh bishtat duke i hedhur në një kazan mbeturinash për të zhdukur çfarëdolloj prove që mund të ishte e rrezikshme dhe të identifikonte grupin.

OFL sot i kërkon atij, megjithëse ende në kërkim, të deklarojë pasurinë. Kujtojmë se pas krimit ai ishte i vetmi nga anëtarët e grupit që kishte një jetë publike në rrjetet sociale ku ekspozonte armë, bizhuteri dhe makina të shtrenjta madje dhe në destinacione të ndryshme në botë. /Opinion.al

- Reklama -

Më shumë nga kategoria




Të fundit

“U lodha, nuk dua të më shohë mami”, Semi shpërthen në lot para Donaldit

Semi ka patur një moment të tensionuar, pas izolimit brenda një shtëpie të monitoruar me kamera 24 orë. Shkëputja nga jeta e përditshme, duket...

Aksident i pesëfishtë në Durrës

Një aksident i pesëfishtë, fatmirësisht pa të lënduar ka ndodhur mëngjesin e sotëm në zonën e Currilave në Durrës. Një mjet me targa italiane, ka...

Bora Zemani shuan heshtjen për raportin mes Semit dhe Donaldit

Prej startimit të "Big Brother VIP", shumë është aluduar për një pëlqim të mundshëm ndërmjet Donald Veshajt dhe Semi Jaupajt. Mediat rozë kthyen në...

“S’ka vend për panik”, përfaqësuesja e IGJEUM flet pas tërmetit në Lezhë

Mbrëmjen e djeshme, vendi ynë u trondit nga një tërmet 4.5 Rihter me epiqendër në Lezhë. Sipas Institutit të Gjeoshkencave, tërmeti ishte me magnitudë...

Zgjedhjet/ Numërohen 99.8 % e votave në Kosovë

Deri në orët e para të ditës, janë numëruar 99.8 përqind e votave në komunat e Kosovës. Duke iu referuar Komisionit Qendror të Zgjedhjeve,...