Monika Kryemadhi, teksa marshonte para pak minutash mes Bulevardit, shoqërohej kapur për dorë nga një vogëlushe shumë e qeshur.
Vogëlushja simpatike quhet Fei dhe është vetëm 6 vjeç. 6-vjeçarja nuk është e panjohur për zonjën Kryemadhi. Ajo është vajza e mikeshës së saj të ngushtë, ndaj dhe politikania ka zgjedhur pikërisht Fein, në pamundësi për të marrë vajzën e saj të vogël Erën.
Era, siç të gjithë e keni parë, ka marrë rolin e Zonjës së Parë në Presidencë e kësisoj s’mund të bëhet pjesë e këtyre protestave. Ajo qendron krah babait të saj në Presidencë dhe e shoqëron sa herë e do nevoja, duke u kthyer në krahun e djathtë të tij dhe në bashkëshoqëruesen e pandarë.