Muçi Shaljani (Sheqeri) rreth 40 vjeç, është personi që mbeti i plagosur në atentatin ku u ekzekutua Gilmando Dani 47 vjeç, i njohur edhe si krahu i djathtë i Emiljano Shullazit.
Shaljani drejtonte automjetin tip “Mercedes Benz S” kur drejt tyre u hap zjarr pranë rrethrrotullimit të Rinasit.
Në vendin e ngjarjes humbi jetën Dani, ndërsa Muçi Shaljani (Sheqeri) ka mbetur i plagosur rëndë.
Njoftimi i policisë
Rinas/Informacion paraprak
Rreth orës 14:20, te rrethrrotullimi në afërsi të aeroportit, dyshohet se është qëlluar me armë zjarri drejt automjetit me të cilin po lëviznin shtetasit M. Sh., rreth 40 vjeç dhe G. D., rreth 47 vjeç.
Si pasojë ka humbur jetën shtetasi G. D. dhe është plagosur shtetasi M. Sh., i cili ndodhet në spital, në kujdesin e mjekëve, në gjendje të rëndë shëndetsore.
Shërbimet e Policisë kanë rrethuar zonën, kanë ngritur pika kontrolli dhe vijojnë punën për kapjen e autorit/ëve.
Ndërkohë, grupi hetimor, në drejtimin e Prokurorisë, po punon për zbardhjen e rrethanave të ngjarjes.
