E diel, 16 Janar, 2022
14.5 C
Tirana

Kur u ekzekutua Xhon Kenedi, vrasja e presidentit nuk ishte një krim federal

Kanë kaluar 57 vite që kur presidenti amerikan Xhon Kenedi u vra në Dallas më 22 nëntor 1963. Autori ishte Li Harvi Osvald, që u vra më vonë nga Xhek Rubi. Ekzistojnë qindra teori konspiracioni rreth asaj se kush qëndronte pas atij atentati, dhe nëse Osvald ishte personi i vetëm me armë atë ditë, apo nëse kishte një tjetër gjuajtës.

Ja cilat janë 5 faktet që mund të mos i dini, në lidhje me vrasjen e presidentit të 35-të të Shteteve të Bashkuara:

  1. Osvald nuk u arrestua për vrasjen e Kenedit

Në fakt ai u arrestua pasi qëlloi për vdekje oficerin e policisë J.D.Tipit, 45 minuta pasi vrau presidentin. Ai e mohoi të kishte vrarë ndonjë njeri, dhe ndërsa po transferohej në burgun e qarkut 2 ditë më vonë, u qëllua dhe u vra nga Xhek Rubi, pronari i një klubi nate në Dallas.

  1. Vrasja e presidentit, nuk ishte një krim federal në vitin 1963

Pavarësisht vrasjeve të 3 presidentëve amerikanë- Abraham Linkoln, Xhejms Garfilld dhe Uilliam Mekinli, vrasja ose përpjekja për të vrarë një president nuk ishte një krim federal në SHBA deri në vitin 1965, dy vjet pas vrasjes së Kenedit.

  1. Rrjetet televizive ndërprenë programet normale për 4 ditë

Më 22 nëntor 1963, vetëm 10 minuta pasi u qëllua presidenti Kenedi –televizioni CBS transmetoi i pari lajmin mbi ngjarjen. Pas kësaj, të tre rrjetet televizive – CBS, NBC dhe ABC – ndërprenë programet e tyre të rregullta, për të mbuluar ngjarjen për 4 ditë rresht. Vrasja e Kenedit ishte ngjarja më e komentuar në mediat e lajmeve, deri në pasqyrimin e sulmeve terroriste të 11 shtatorit 2001.

  1. Një grua drejtoi për herë të parë dhe të vetme betimin e presidentit të ri
Lexo edhe :   Ilir Meta: Këtu më keni edhe për 50 vite!

Disa orë pas atentatit, zëvendëspresidenti Lindon Xhonson u betua si president në bordin e avion presidencial “Air Force One”, teksa e veja e presidentit Zhaklin Kenedi, gjendej në krah të tij. Ai moment u fiksua në një foto që ka hyrë tashmë në histori. Procesi u administrua nga gjyqtarja federale Sara Hjuxh, e vetmja grua që ka e bërë ndonjëherë.

  1. Osvald ishte përpjekur të vriste më herët kundërshtarin e Kenedit në ushtrinë amerikane
Lexo edhe :   Ilir Meta: Këtu më keni edhe për 50 vite!

Tetë muaj para se Osvald të vriste Kenedin, ai u përpoq të vriste një antikomunist të flaktë, ish-gjeneralin e ushtrisë amerikane Edvin Uoker. Pas dorëheqjes së tij nga Ushtria Amerikane në vitin 1961, Uoker u bë një kritik i hapur i administratës Kenedi, dhe kundërshtoi në mënyrë aktive lëvizjen për të integruar zezakët në shkollat e jugut të vendit.

Komisioni Uorren, i ngarkuar me hetimin e vrasjes së presidentit në vitin në 1963, zbuloi se Osvald ishte përpjekur të vriste Uokerin në kohën kur gjenerali në pension ndodhej brenda shtëpisë së tij. Uoker pësoi vetëm lëndime të lehta nga copat e plumbave.

Burimi i lajmit: https://edition.cnn.com/2018/03/20/us/jfk-assassination-5-things/index.html

Përshtatur nga TIRANA TODAY

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...